Éxodo

4 ”ꞌIna koe ko tarai e tahi meꞌe tuꞌu pa he huru o te meꞌe o ruŋa i te raŋi, o ruŋa i te henua ꞌe o roto i te vaikava. 5 ꞌIna koe ko tū-turi ꞌi muꞌa i te ŋā meꞌe era ꞌe ꞌina ko haꞌatiꞌa mo uŋa atu mo haꞌamuri ki rā ŋā meꞌe, ꞌo te ai, ko au ko Iehoha tuꞌu ꞌAtua, he ꞌAtua uŋa atu mo haꞌamuri mai ki a au mau nō. Te ūtuꞌa o te hape o te matuꞌa, he haꞌatiꞌa e au mo piri ki te rāua ŋā poki, ki te toru hakaara ꞌe ki te maha hakaara o te nuꞌu e enemī era ki a au, 6 ꞌe he haka takeꞌa e au i tōꞌoku haŋa ꞌina he hape, ki te taꞌutini o te hakaara o te taŋata e haŋa mai ena ki a au ꞌe e haka roŋo ena i tāꞌaku roŋo. 13 ”ꞌIna koe ko tiŋaꞌi. 14 ”ꞌIna koe ko moe ki te kope hāipo-ipo. 15 ”ꞌIna koe ko toke.