KONA KIMI PUKA o te Watchtower
KONA KIMI PUKA
o te Watchtower
rapa nui
ꞌ
  • ꞌ
  • ā
  • ē
  • ī
  • ō
  • ū
  • ŋ
  • TE PIPIRIA
  • HE PUKA
  • HE PIRI
  • Meꞌe Haka Takeꞌa 6
  • He Vānaŋa o te ꞌAtua (Soc. Bíblica Chilena)

ꞌIna he video mo te meꞌe vae ena e koe.

Ka haoromaꞌi mai, ko hape ꞌā te haka topa haŋa o te video.

Te tahi huri o te Pipiria

Ka ŋatu te kupu vānaŋa mo haka tikeꞌa te tahi Pipiria.
  • He Vānaŋa o te ꞌAtua (Soc. Bíblica Chilena)
  • Ka taiꞌo i He kupu vānaŋa o te Pipiria nwt (nwtp)
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
He Vānaŋa o te ꞌAtua (Soc. Bíblica Chilena)
Meꞌe Haka Takeꞌa 6:1-17

Meꞌe Haka Takeꞌa

Te ŋā tāmaꞌu raꞌe era e hā

6 I oti era he takeꞌa e au i tū Māmoe era e kume ꞌā i te tāmaꞌu raꞌe o tū ŋā tāmaꞌu era e hitu. ꞌE he ŋaroꞌa e au e tahi o tū ŋā meꞌe ora era e hā e kī ꞌana hai reꞌo pūai tuꞌu pa he pātiri: «¡Ka oho mai!».

2 He uꞌi atu ia a au ko te hoi tea-tea e tahi, ꞌe te kope eke o ruŋa e maꞌu rō ꞌana i te teꞌa. He haka puꞌa i rā kope hai hei ꞌariki, ꞌe he oho he moto pa he kope rē, mo rē haka ꞌou ki te taŋata taꞌe haŋa ki a ia.

3 I kume era e te Māmoe i te rua tāmaꞌu, he ŋaroꞌa e au i te rua o tū ŋā meꞌe ora era e hā ka kī: «¡Ka oho mai!».

4 He eꞌa mai te hoi haka ꞌou e tahi, hoi mea-mea. ꞌE he vaꞌai ki te kope eke o ruŋa i rā hoi i te parau mo haka kore i te haumārū mai te ao, ki moto ai te taŋata ꞌe ki tīŋaꞌi-ŋaꞌi ai i a rāua. ꞌE he vaꞌai takoꞌa i te hoe roa-roa e tahi.

5 I kume era e te Māmoe i te toru tāmaꞌu, he ŋaroꞌa e au i te toru o tū ŋā meꞌe ora era e hā ka kī: «¡Ka oho mai!». He uꞌi atu a au ko te hoi ꞌuri-ꞌuri e tahi, ꞌe ꞌi te rima o te kope eke o ruŋa te hāito. 6 ꞌE mai te vāeŋa o tū ŋā meꞌe ora era e hā i ŋaroꞌa ai e au i te reꞌo e kī ꞌana: «E tahi mau nō kiro tariko mo te moni aŋa o te mahana e tahi, ꞌe e toru kiro sevara mo tū moni ꞌā; ꞌe ꞌina ko tōtōā i te tumu ꞌōrivo ꞌe i te tumu vino».

7 I kume era e te Māmoe i te hā tāmaꞌu, he ŋaroꞌa e au te kī iŋa o te hā o tū ŋā meꞌe ora era: «¡Ka oho mai!».

8 He uꞌi atu a au he hoi tōuamāmari e tahi, ꞌe te kope eke o ruŋa te ꞌīŋoa ko Mate. ꞌI tuꞌa ōꞌona e oho era te kope e tahi o te kona ko ꞌAre te ꞌīŋoa, he kona o te nuꞌu mate. I oho era he vaꞌai ki te ŋā kope nei i te parau mo tiŋaꞌi mo haka mate e tahi ꞌapa o te ꞌapa e hā o te taŋata taꞌatoꞌa o te ao hai tamaꞌi, hai maruaki, hai māui-ui ꞌe hai manu taehae.

Te rima ꞌe te ono tāmaꞌu

9 I kume era e te Māmoe i te rima tāmaꞌu, he takeꞌa e au ꞌi raro o te ⸤fata⸥ i te vārua o te nuꞌu mā-mate, tiŋaꞌi e te nuꞌu ꞌo te haka ꞌite ꞌo te oho i te ⸤roŋo riva-riva o te ꞌAtua⸥ ꞌe ꞌo te maꞌu i rā roŋo pa he meꞌe o rāua. 10 Pē nei e kī pūai era: «E te Pūꞌoko Haka Tere moꞌa ꞌe parautiꞌa ē, ¿a hē koe ka haka ꞌauhau hai ūtuꞌa i te taŋata o te ao ꞌo te tiŋaꞌi i a mātou?».

11 He toꞌo mai ia he vaꞌai ki rā nuꞌu hai kahu tea-tea mo uru, ꞌe he kī mo haka ora mo oho nō ꞌātā ka tano tahi rō te rahi kī era e te ꞌAtua o te taina, taina ka mā-mate takoꞌa era pē rāua ꞌo te aŋa ki a ia.

12 I kume era e te Māmoe i te ono tāmaꞌu, he uꞌi atu a au ko mākenu-kenu tahi ꞌana te henua. Te raꞌā he ꞌuri-ꞌuri rō atu ꞌai, pa he kahu uru o te hove, ꞌe te māhina he mea-mea pa he toto. 13 Te hetuꞌu he vī-viri ki ruŋa i te henua, pa he viri iŋa ena o te pika mata mai ruŋa i te tumu ꞌi te hora ue-ue pūai e te tokerau. 14 Te raŋi he ŋaro pa he meꞌe ena ē: i taka pa he parau. Te maꞌuŋa ꞌe te motu taꞌatoꞌa he haka makenu mai te rāua kona.

15 Te ꞌariki taꞌatoꞌa o ruŋa i te henua he tē-tere he pī-piko ꞌi roto i te ꞌana ꞌe ꞌi roto i te vaha māꞌea o te kona maꞌuŋa ananake ko te nuꞌu hōnui, ko te nuꞌu pūꞌoko haka tere o te vaꞌehau, ko te nuꞌu ꞌono, ko te nuꞌu ai o te pūai mo haka tere i te taŋata, ko te ꞌekaravo ꞌe ko te taꞌe ꞌekaravo. 16 ꞌE pē nei e ohu e ani era ki te maꞌuŋa ꞌe ki te māꞌea:

«¡Ka viri ꞌe ka ꞌapi mai i a mātou, ꞌo takeꞌa rō e te Kope era o ruŋa i te pepe noho ꞌariki ꞌi te raŋi, ꞌo topa mai te riri o te Māmoe ꞌi ruŋa i a mātou! 17 Ko tuꞌu mai ꞌana, paꞌi, te mahana o te haka ūtuꞌa, ꞌe ꞌina e tahi kope mo haꞌaoromaꞌi».

Puka pāpaꞌi hai ꞌarero Rapa Nui (2011-2025)
Ka Eꞌa
Ka Uru
  • rapa nui
  • Haka ma'u
  • Huru haŋa ꞌaꞌau
  • Copyright © 2025 Watch Tower Bible and Tract Society of Pennsylvania
  • Te huru tano mo aŋa i roto nei
  • Te meꞌe mo taꞌe aŋa e mātou
  • Configuración de privacidad
  • JW.ORG
  • Ka Uru
Haka ma'u