Pe hē koe ana ꞌite o ruŋa i te ꞌAtua

He aŋi⁠-⁠aŋi koe o ruŋa o Iehoha mo taiꞌo i tāꞌana puka. I muꞌa ꞌā i vae ai e te ꞌAtua i te taŋata mo pāpaꞌi i tōꞌona manaꞌu. I aŋanirā ko aŋi⁠-⁠aŋi ꞌā rā manaꞌu, he Puka o te ꞌAtua. I ruŋa i a īa tāꞌana vānaŋa ꞌe tāꞌana roŋo. Mo taiꞌo he ꞌite koe o ruŋa i te ꞌAtua. I te vānaŋa o Iehoha te parautiꞌa, ꞌe ꞌina e ko hape (Juan 17:⁠17). Pe nei e haꞌaki era i ruŋa: “Taꞌe o te ꞌAtua te reo⁠-⁠reo” (Hebreos 6:⁠18).

Te Puka o te ꞌAtua he mahīa riva⁠-⁠riva e tahi. Nei puka vaꞌai mai e te ꞌAtua, tuꞌu ꞌā pahe parau pāpaꞌi e te matuꞌa here ki tāꞌana poki. Vānaŋa mai o ruŋa i te kī mau o te ꞌAtua, mo haꞌariro te henua he kona nehe⁠-⁠nehe e tahi mo noho te taŋata. Te Puka o te ꞌAtua e vānaŋa takoꞌa rō ꞌā, o ruŋa i te meꞌe i aŋa e te ꞌAtua i muꞌa ꞌā, te meꞌe aŋa o te hora nei, ꞌe te meꞌe ka aŋa ena pē muꞌa, mo te taŋata haꞌatura ki a Īa, pahe ŋā poki āꞌana. Takoꞌa, he hāꞌūꞌū mai mo haka tītika te tātou ꞌati ꞌe mo ravaꞌa i te koa mau (2 Timoteo 3:⁠16, 17).

Mo te Taŋata haka ꞌite o ruŋa o Iehoha, te ŋaruhoa ōꞌona, e hāꞌūꞌū atu mo aŋi⁠-⁠aŋi te meꞌe hāpī e te Puka o te ꞌAtua. Tāꞌau nō he kī mo hāpī atu i te Puka o te ꞌAtua. ꞌIna ko ꞌauhau e tahi moni (Mateo 10:⁠8). Takoꞌa, mo haŋa mo ata hōrou tuꞌu ꞌite o ruŋa o Iehoha, ka vari atu ki te kona taka⁠-⁠taka o rāua, e nape ena, Koro Paina Piri o te Taŋata haka ꞌite o ruŋa o Iehoha.

Mo haka topa tuꞌu manaꞌu o ruŋa i te meꞌe aŋa e te ꞌAtua, he ata ꞌite koe o ruŋa i a Īa. I ruŋa i tāꞌana vānaŋa e kī era: “O te ꞌAtua i aŋa te raŋi ꞌe i te henua” (Génesis 1:⁠1). I aŋa era e Iehoha i “te raŋi”, i ruŋa ꞌā i aŋa ai te raꞌā. I te huru aŋa era i te raꞌā, he tikeꞌa koe i te māramarama ꞌe i te mana pūai o te ꞌAtua. O te raꞌā paꞌi te haka māꞌeha i te ꞌotea, te haka mahana i a tātou ꞌe ꞌina e ko ꞌoti haka ꞌou tōꞌona pūai. I a Iehoha nō te māramarama e te mana pūai mo haka tere peira.

A ruŋa i te meꞌe aŋa o Iehoha he tikeꞌa koe i tōꞌona here mo tātou. Ka manaꞌu rā koe, i te rauhuru hauhaꞌa kai o ruŋa i te henua, pahe maīka, ananā, tuava, vī e te tahi kai. I aŋa ai e Iehoha te ŋā kai nei, hai rauhuru nene, huru, ꞌeo, huru kē huru kē, mo haka tikeꞌa mai tōꞌona haŋa ꞌe tōꞌona riva mo tātou. ꞌĀhani a Iehoha i haŋa, ko vaꞌai mai ꞌā e tahi nō huru o te kai o ꞌina e tahi. I te rahi o tōꞌona here, i vaꞌai mai ai te ŋā mau taꞌatoꞌa nei (Salmo 104:⁠24).