¿Ko ai a Ietū?

Ko uŋa ꞌā e Iehoha i a Ietū ki ruŋa i te henua (1 Iovani 4:9).

ꞌI muꞌa ꞌā, raꞌe ki te aŋa e Iehoha i a ꞌĀtamu, he aŋa ꞌi ruŋa i te raŋi i te merahi pūai e tahi. ꞌE ko haŋa takoꞌa ꞌā mo haka roŋo e tātou ki rā merahi. He poki ꞌāꞌana.

I tano era te mahana, he aŋa e te ꞌAtua mo poreko rā merahi mai roto i te neru e tahi, ko Māria te ꞌīŋoa. He nape ko Ietū, ꞌe ꞌi Belén i poreko ai (Iovani 6:38).

Hora era o Ietū ꞌi ruŋa i te henua, he haka takeꞌa mai tōꞌona riva ꞌe tōꞌona haŋa ki a tātou pē Iehoha. ꞌO ira te nuꞌu e haŋa era mo hāhine ki a ia. Takoꞌa i hāpī rō te parautiꞌa o ruŋa o Iehoha hai haka kē.

Nō atu te rahi o te aŋa riva-riva i aŋa ai e Ietū, rahi nō te taŋata i taꞌe haŋa ki a ia (1 Pētero 2:21-24).

Takoꞌa i haka kore rō te māui-ui o te taŋata ꞌe i haka ora haka ꞌou rō i te nuꞌu mate.

Te taŋata pūꞌoko haka tere o te hare pure o rā hora, he enemī mau o rāua a Ietū, ꞌo te kī te meꞌe hāpī era e rāua he reo-reo, ꞌe i te rāua haka tere iŋa rake-rake.

I oho era, te taŋata pūꞌoko haka tere o te hare pure o rā hora, he aŋa mo puꞌa, mo tiŋaꞌi mo mate o Ietū i te rōmano.