Pē hē ana hāpī riva-riva hai puka nei
Ka hāpī koia ko maꞌori. Ka no-noꞌi ki te kope vaꞌai atu era i te puka ꞌiti-ꞌiti nei mo hāpī kōrua ꞌo ka no-noꞌi a roto i te jw.org mo haka uŋa atu e tahi kope mo hāpī o kōrua.
TE KONA RAꞌE
Ka taiꞌo tahi te kupu vānaŋa. Te ꞌui tuhi era hai nūmera (A) ꞌe te ŋā kupu vānaŋa era o te Pipiria ꞌe pē ira ꞌā ka taiꞌo te ŋā kupu vānaŋa era o te Pipiria pāpaꞌi era hai tiꞌaraꞌa ꞌata ꞌuri-ꞌuri (B) e haka aŋi-aŋi mai era te tumu o te hāpī. Takoꞌa ka taiꞌo te ŋā kupu vānaŋa e kī era, ka taiꞌo.
TE RUA KONA
Te kupu vānaŋa raꞌe o te kona era mo “Maꞌa tuꞌu ꞌite” he haka aŋi-aŋi atu ko meꞌe hē, te meꞌe ka hāpī era (C). Te ŋā kupu vānaŋa tuhi era hai nūmera, he haka aŋi-aŋi atu te tumu o te meꞌe ka hāpī era (D). Ka taiꞌo te kupu vānaŋa o te Pipiria, ka pāhono te ꞌui ꞌe ka uꞌi te vīdeo (E).
Ka uꞌi a ruŋa i te hohoꞌa ꞌe te meꞌe vānaŋa o ruŋa (F), ꞌe ka haka topa tuꞌu manaꞌu pē hē ꞌana pāhono ꞌi te kona e kī era “He aha taꞌa meꞌe mo pāhono mo kī atu e te nuꞌu” (G).
TE TORU KONA
Ka oti era te hāpī ka uꞌi te kona e kī era “Te meꞌe mo aŋi-aŋi o ruŋa i te hāpī nei” ꞌe ka uꞌi takoꞌa te kona e kī era “Mo taꞌe rehu” (H). Ka oti era te hāpī ka pāpaꞌi te mahana i oti era rā hāpī. Te kona e kī era “Tāꞌaku meꞌe mo aŋa” (I), he hāꞌūꞌū atu mo haꞌamata koe mo aŋa i te meꞌe ka hāpī atu era e te Pipiria. ꞌI te kona e kī era “Mo rara mo oho” (J), he ravaꞌa koe i te vīdeo ꞌe tētahi atu puka mo taiꞌo ꞌāꞌau.
Pē hē ana ravaꞌa i te kupu vānaŋa ꞌi ruŋa i te Pipiria
ꞌI te hora e haka takeꞌa ena te puka nei i te kupu vānaŋa o te Pipiria, te meꞌe raꞌe e haꞌaki ena he ꞌīŋoa o te puka (A), te nūmera raꞌe he kī atu te kau mo kimi (B), ꞌe te nūmera riki-riki he kī atu i te kupu vānaŋa mo taiꞌo (C). Mo haꞌaauraꞌa atu, mo takeꞌa e koe e kī rō ꞌā Iovani 17:3, ka kimi i te puka o Iovani, i te kau 17, i te kupu vānaŋa 3.