He ꞌAtua nō te ŋaruhoa hopeꞌa o te nui⁠-⁠nui

Riro he ŋaruhoa o te ꞌAtua he meꞌe hopeꞌa o te riva⁠-⁠riva mo piri atu. Te ꞌAtua he hāpī atu, pe hē ana ravaꞌa i te koa, ꞌe he hāpī takoꞌa atu, pe hē ana haka kore te riꞌa⁠-⁠riꞌa ki te meꞌe taꞌatoꞌa. He haka kore atu te manaꞌu hape, rake⁠-⁠rake ꞌe i te tōtōꞌā iŋa i a koe. Takoꞌa, he haka roŋo atu taꞌa pure, he vaꞌai atu i te haumarū, ꞌe i te haka kē mo aŋa i taꞌa aŋa riva⁠-⁠riva (Salmo 71:⁠5; 73:⁠28). He hāꞌūꞌū atu i te hora ꞌati ōꞌou (Salmo 18:⁠18). Peira ꞌā, he mahīa atu i te ora ki te hopeꞌa raꞌa (Romanos 6:⁠23).

E haka tupuaki ena koe ki te ꞌAtua, he hāhine koe ki tōꞌona ŋaruhoa. Te ŋaruhoa o te ꞌAtua he riro takoꞌa he repahoa ōꞌou. Ka hāpī atu ena o ruŋa i te ꞌAtua, he ravaꞌa koe i te here taina. Takoꞌa, he hāꞌūꞌū ꞌe he haka koa atu, mo haka tere i a koe a te ara o te ꞌAtua.

Taꞌe tātou pahe ꞌAtua. Ana haŋa tātou mo ŋaruhoa ōꞌona e aŋi⁠-⁠aŋi i te meꞌe nui⁠-⁠nui e tahi: ¡E topa kē nō ꞌā te ꞌAtua mai a tātou! ¿O te aha te kī nei? O te rahi o tōꞌona matahiti, mana, pūai, māramarama ki a tātou. Oīra, ko Īa nō te pūꞌoko ꞌariki mo haka tere i a tātou. Mo haŋa mo riro ōꞌou he ŋaruhoa ōꞌona, e haka roŋo ꞌe e aŋa tāꞌana meꞌe nonoꞌi mai. Rā meꞌe, mo te tātou riva (Isaías 48:⁠18).