¿Pē hē koe e uꞌi ena te ao pe muꞌa ka oho ena?

TE MEꞌE KĪ E TE PUKA O TE ꞌATUA

“He haroꞌi tahi e ia [te ꞌAtua] i te rāua matavai. He kore ia te mate, te taŋi, te mamae, ꞌe e ko ꞌau-auē haka ꞌou, ꞌi te meꞌe era te haka tere iŋa o te ao raꞌe era ko kore tahi ꞌana” (Meꞌe Haka Takeꞌa [Apocalipsis] 21:4).

TE HAUHAꞌA MO RAVAꞌA

He ŋaroꞌa te ora o te aŋa ꞌe e ko hōriŋa ka aŋa era (Isaías 65:21-23).

E ko mamae ꞌe e ko māui-ui haka ꞌou (Isaías 25:8; 33:24).

He koa tahi ananake ko te tātou huaꞌai, repahoa ki te hopeꞌa raꞌa (Salmo 37:11, 29).

¿HE PARAUTIꞌA MAU ꞌĀ TE MEꞌE KĪ E TE PUKA O TE ꞌATUA?

ꞌĒ-ē, ꞌī he tapa atu e rua parautiꞌa:

• E ai rō ꞌā te pūai o te ꞌAtua mo aŋa tahi tāꞌana meꞌe e kī era. ꞌI ruŋa i te Puka o te ꞌAtua i kī ai ko Iehoha nō te ꞌAtua mana pūai, ꞌo te ai tōꞌona pūai ꞌina he hopeꞌa (Meꞌe Haka Takeꞌa 15:3). ꞌO ira hora era e kī era he haꞌariro te henua pa he kona riva-riva e tahi, he ꞌite rō ꞌai pē ira mau ꞌā ka aŋa ena. Te Puka o te ꞌAtua e kī ena ꞌina e tahi meꞌe mo taꞌe aŋa e te ꞌAtua (Māteo 19:26).

• Te ꞌAtua ko haŋa riva-riva ꞌā mo aŋa tāꞌana meꞌe kī era. Mo haꞌaauraꞌa atu nei vānaŋa, te Puka o te ꞌAtua e kī rō ꞌā, ko pohe riva-riva ꞌā Iehoha mo haka ora haka ꞌou te nuꞌu era ko mate ꞌā (Job 14:14, 15).

  Takoꞌa e kī rō ꞌā o ruŋa o Ietū, te poki o te ꞌAtua, i haka ora rō i te nuꞌu māui-ui, ¿ꞌo te aha i aŋa ai pē ira? ꞌO te ai ko rā meꞌe tāꞌana meꞌe haŋa (Marko 1:40, 41). Te huru haka tere nei ko haka takeꞌa mai ꞌā i te haŋa o tōꞌona matuꞌa mo hāꞌūꞌū ki te ꞌōtare (Iovani 5:19).

  ꞌO ira a tātou ko aŋi-aŋi riva-riva ꞌā pē nei ē, a Iehoha rāua ko Ietū ko haŋa riva-riva ꞌā mo hāꞌūꞌū mai mo koa o tātou ki te hopeꞌa raꞌa (Salmo 72:12-14; 145:16; 2 Pētero 3:9).