Te Pipiria e kī rō ꞌā he meꞌe riva-riva nō te meꞌe ka piri mai era

Rauhuru nō ꞌati e piri era ki te taŋata o te ao taꞌatoꞌa ꞌi ꞌaŋanīrā ꞌe ꞌo ira e mamae era te rāua māhatu, e tipa-tipa era i te rāua manaꞌu ꞌe e taꞌe koa era takoꞌa. ¿Ko piri atu ꞌā ki a koe i te meꞌe tuꞌu pē nei? Koiꞌite nā koe e māui-ui mai ena ꞌo ko mate ꞌā e tahi taŋata here ꞌāꞌau ꞌe ꞌo ira e mamae rahi ena tuꞌu māhatu. Pēaha ꞌi rā hora he manaꞌu koe: “¿E ŋaroꞌa haka ꞌou rō au i te ora e tahi mahana?” Te Pipiria e kī ena, nā e tuꞌu rō te mahana he ŋaroꞌa koe i te ora mau.

1. ¿He aha te meꞌe ka piri mai ena pe muꞌa ka oho ena e kī ena e te Pipiria?

Te Pipiria e kī rō mai ꞌā ꞌo te aha tātou e ꞌati nei ꞌi ꞌaŋanīrā ꞌe takoꞌa e kī rō mai ꞌā, te ŋā ꞌati e takeꞌa nei tātou ꞌi ꞌaŋanīrā nā he haka kore tahi e te ꞌAtua. Ka hāpī ka oho ena koe i te Pipiria, he aŋi-aŋi koe e ai rō ꞌā te meꞌe “riva pe muꞌa ka oho ena ꞌe te rāveꞌa riva mo tiaki ōꞌou” (ka taiꞌo Jeremías 29:11, 12). Pē ira ꞌā he hāꞌūꞌū atu mo haka ꞌuhu ōꞌou ꞌe mo koa ōꞌou ꞌi te hora nei nō atu te ꞌati ka piri atu era ꞌe takoꞌa he hāꞌūꞌū atu mo koa ōꞌou ki te hopeꞌa raꞌa.

2. ¿He aha te meꞌe kī e te Pipiria o ruŋa i te noho iŋa o te taŋata pe muꞌa ka oho ena?

Te Pipiria e kī rō ꞌā pē nei ē, pe muꞌa ka oho ena, te ꞌAtua “he haroꞌi tahi” i te matavai ꞌe he haka kore te taŋi-taŋi ꞌe te mamae o tātou (ka taiꞌo Meꞌe Haka Takeꞌa 21:4). Te ꞌati e takeꞌa nei tātou ꞌi ꞌaŋanīrā, pa he taŋata raveꞌino, te nuꞌu veve, te māui-ui ꞌe te mate he haka kore tahi. ꞌI rā hora te taŋata ka koa mau era ꞌe he ŋaroꞌa i te ora ꞌi ruŋa i te henua ki te hopeꞌa raꞌa.

3. ¿Pē hē e ꞌite nei tātou e haka tano rō e te ꞌAtua i te meꞌe kī era ꞌi ruŋa i te Pipiria?

Meꞌe rahi nō atu te meꞌe kī e te taŋata, te ꞌati nō, ꞌina kai ꞌite tātou ana ai, e haka tano rō rāua i te rāua vānaŋa. ꞌE te ꞌAtua, ¿e haka tano rō a ia i tāꞌana vānaŋa pāpaꞌi era ꞌi ruŋa i te Pipiria? Mo ꞌite ōꞌou te pāhono, ka hāpī riva-riva i te Pipiria “paurō te mahana” (Aŋa o te ꞌĀpōtoro 17:11). Ka hāpī ka oho ena koe, māꞌau ꞌā e uꞌi ana ai, te meꞌe kī era ꞌi ruŋa i te Pipiria mo piri mai pe muꞌa ka oho ena, he parautiꞌa mau ꞌā ꞌo ꞌina.

MO MAꞌA TUꞌU ꞌITE

4. Te Pipiria e kī rō ꞌā ꞌi ruŋa i te henua ꞌati kore he ora he oho rō ꞌai tātou

O ruŋa i te meꞌe taꞌatoꞌa pāpaꞌi era ꞌi ruŋa i te Pipiria, ¿ko meꞌe hē te meꞌe ꞌata haŋa ꞌāꞌau mo piri atu ꞌe ꞌo te aha?

Ka taiꞌo te ŋā kupu vānaŋa era o raro ꞌe ꞌai ka vānaŋa rō kōrua o ruŋa i te ŋā meꞌe nei:

• ¿E ŋaroꞌa rō ꞌā koe i te hahau ꞌi roto i tuꞌu māhatu e taiꞌo ena i te ŋā kupu vānaŋa nei? Ki tuꞌu manaꞌu, ¿e hāꞌūꞌū rō te ŋā kupu vānaŋa nei ki tuꞌu huaꞌai ꞌe ki tuꞌu repahoa?

Ka manaꞌu rā koe i te ao tuꞌu pē nei:

5. Te meꞌe ka hāpī ena koe mai ruŋa i te Pipiria he huri tuꞌu huru manaꞌu

VĪDEO: Ko haŋa ꞌā a au mo haka tī-tika i te meꞌe taꞌe tano e takeꞌa era e au (4:07)

• ¿He aha te meꞌe taꞌe tano i takeꞌa ai e Rafika?

• Nō atu te taꞌe haka tī-tika e te taŋata i te ꞌati, ¿pē hē i hāꞌūꞌū ai i a ia te hāpī i te Pipiria?

Te rāveꞌa e ravaꞌa era ꞌi ruŋa i te Pipiria he hāꞌūꞌū mai mo taꞌe hōriŋa o tātou ꞌe mo haka ꞌuhu te ꞌati ka piri mai era. Ka taiꞌo Proverbios 17:22 ꞌe Rōmano 12:12, ꞌe ꞌai ka vānaŋa rō kōrua o ruŋa i te meꞌe nei:

• Ki tuꞌu manaꞌu, ¿e hāꞌūꞌū rō atu ꞌā te meꞌe kī era e te Pipiria ꞌi te hora nei? ¿ꞌO te aha koe e kī ena pē ira?

TE MEꞌE MO AŊI-AŊI O RUŊA I TE HĀPĪ NEI

Te rāveꞌa riva kī era ꞌi ruŋa i te Pipiria pē nei ē, he koa he oho rō ꞌai tātou ꞌi ruŋa i te henua, he hāꞌūꞌū mai mo haka ꞌuhu tātou i te rauhuru ꞌati ka piri mai era.

Mo taꞌe rehu

• ¿ꞌO te aha te taŋata ana ꞌite o ruŋa i te rāveꞌa riva kī era e te ꞌAtua ka piri mai ena pe muꞌa ka oho ena?

• ¿He aha te meꞌe kī era te Pipiria o ruŋa i te meꞌe ka piri mai era pe muꞌa ka oho ena?

• ¿Pē hē te ꞌite o ruŋa i te rāveꞌa nei ka hāꞌūꞌū atu ena ꞌi te hora nei?

MO RARA MO OHO

Ka hāpī pē hē ka hāꞌūꞌū atu era te ꞌite o ruŋa i te rāveꞌa riva ka piri mai era pe muꞌa ka oho ena.

“Esperanza: ¿dónde hallarla?” (¡Despertad!, 22 de abril de 2004)

Ka uꞌi pē hē te rāveꞌa ka piri mai era pe muꞌa ka oho ena e hāꞌūꞌū ena ki te nuꞌu e māui-ui mai era.

“¿E riva rō te Pipiria mo hāꞌūꞌū mai mo ai ko māui-ui ꞌā?” (Meꞌe pāpaꞌi ꞌi roto i te Internet nō)

Ka mataꞌitaꞌi ena koe i te vīdeo nei ka manaꞌu rā ꞌi ruŋa i te henua ꞌāpī koe ꞌi muri i tuꞌu huaꞌai e koa era.

He haka ꞌāpī ꞌi te ao nei (3:37)

Ka taiꞌo pē hē te meꞌe hāpī era e te Pipiria i huri ai te huru haka tere o te taŋata rava pātoꞌi ki te haka tere taꞌe tano.

“Ya no siento la necesidad de cambiar el mundo” (La Atalaya, 1 de julio de 2013)