¿Pē hē koe ana hāpī i te Pipiria mo riva mo hāꞌūꞌū atu?

I haŋa era koe mo aŋa e tahi meꞌe ꞌe e uꞌi era koe aŋa riꞌa-riꞌa mo aŋa, ¿i pohe rō koe mo taꞌe aŋa? Koiꞌite mo taꞌe aŋa rahi, ka uꞌi taꞌa kona haŋa mo haꞌamata ꞌe ka aŋa koraꞌiti koraꞌiti. Pē ira takoꞌa ꞌā te meꞌe nei he haꞌamata he taiꞌo i te Pipiria. Pēaha i manaꞌu rō koe, ¿mai hē ana haꞌamata ana taiꞌo i te Pipiria? Mo te hāpī nei e hāꞌūꞌū atu mo ꞌite ōꞌou pē hē ana taiꞌo ꞌe ana hāpī i te Pipiria.

1. ¿ꞌO te aha he meꞌe riva-riva mo taiꞌo i te Pipiria paurō te mahana?

Te taŋata e taiꞌo era i te “roŋo a Iehoha” paurō te mahana, he koa ꞌe he meꞌe riva-riva nō te meꞌe ka ravaꞌa ena (ka taiꞌo Salmo 1:1-3). Mo haŋa koe mo haꞌamata mo taiꞌo i te Pipiria, e riva nō koe mo taiꞌo e rima nō minuti i te mahana. Ka māhani ka oho ena koe ki te Vānaŋa o te ꞌAtua, he ꞌata pohe koe mo taiꞌo mo oho.

2. ¿Pē hē koe ana taiꞌo i te Pipiria mo riva mo hāꞌūꞌū atu?

Mo riva te Pipiria mo hāꞌūꞌū atu, ꞌina ko taiꞌo a ruŋa nō, e taiꞌo hai haka topa i tuꞌu manaꞌu o ruŋa i te meꞌe e taiꞌo ena. ꞌO ira e kī ena ꞌi ruŋa i te Pipiria, e taiꞌo “hai haka topa i te manaꞌu” (Josué 1:8). ¿Pē hē ana tuꞌu ki rā roa? Ka taiꞌo ka oho ena koe, ka haka topa i te manaꞌu o ruŋa i te ŋā ꞌui nei: “¿He aha te meꞌe hāpī mai o ruŋa o Iehoha? ¿Pē hē a au ana haka tere hai meꞌe taiꞌo iho nei? ¿Pē hē a au ana hāꞌūꞌū ki te rua?”

3. ¿Mai hē koe ana haka topa ana haꞌataꞌa i te hora mo taiꞌo i te Pipiria?

¿Aŋa riꞌa-riꞌa mo ōꞌou mo haka topa i te hora mo taiꞌo i te Pipiria? Taꞌe ko koe nō. ꞌO ira e maꞌu riva-riva te roŋo nei: “ꞌIna ko haka māuꞌa tahaŋa i te kōrua hora” (Ēfeto 5:16, TNM). Ka uꞌi ka haka topa e tahi hora i te mahana mo taiꞌo ōꞌou i te Pipiria. E ai rō ꞌā te taŋata e haŋa era mo taiꞌo i te Pipiria ꞌi te pōꞌā. Kē nuꞌu ꞌi te hora ahi-ahi era. E ai haka ꞌou rō ꞌā te nuꞌu e taiꞌo era ꞌi te hora kai ꞌo ꞌi te hora haka ora o rāua. ꞌE, e ai takoꞌa rō ꞌā te nuꞌu e taiꞌo era i te Pipiria ꞌi te pō, raꞌe ki te haꞌuru. ¿Ko hora hē te hora tano atu ki a koe mo taiꞌo i te Pipiria?

MO MAꞌA TUꞌU ꞌITE

4. ¿Pē hē koe ana taiꞌo i te Pipiria mo taꞌe haꞌumani ōꞌou?

Koiꞌite aŋa riꞌa-riꞌa mo ōꞌou mo haꞌamata mo taiꞌo i te Pipiria. Pēaha he tuꞌu pa he hora era e haka ꞌatu iho ꞌā koe i te kai e tahi. Ka kai ka oho era koe i rā kai, ka hopeꞌa era, he riro he kai haŋa rahi ꞌāꞌau. Pē ira ꞌā te taiꞌo i te Pipiria, ka hopeꞌa ena he “pohe” koe mo taiꞌo mo oho. Ka taiꞌo 1 Pētero 2:2 ꞌe ꞌai ka vānaŋa rō kōrua o ruŋa i te meꞌe nei:

• ¿Pē hē te taiꞌo i te Pipiria paurō te mahana he hāꞌūꞌū atu mo “pohe” ōꞌou mo taiꞌo i te Vānaŋa o te ꞌAtua?

Ka mataꞌitaꞌi te VĪDEO mo aŋi-aŋi he aha te meꞌe i aŋa e te taŋa ꞌāpī mo taꞌe haꞌumani ꞌe mo pohe o rāua mo taiꞌo mo oho nō i te Pipiria. Ki oti te mataꞌitaꞌi ka vānaŋa kōrua o ruŋa i te ŋā meꞌe nei:

VĪDEO: Pē hē i nui-nui i oho ai te haŋa o te taŋa ꞌāpī mo taiꞌo i te Pipiria (5:33)

• ¿ꞌO te aha e aŋa riꞌa-riꞌa era te taŋa ꞌāpī o te vīdeo nei mo taiꞌo i te Pipiria?

• ¿He aha te meꞌe i hāꞌūꞌū ki a rāua mo taꞌe haka rē te taiꞌo i te Pipiria?

• ¿He aha te rāua meꞌe i aŋa mo ꞌata haŋa mo taiꞌo i te Pipiria?

Mo haꞌamata mo taiꞌo:

• Ka uꞌi hai Pipiria ko tano ꞌā te huri haŋa. E riva nō koe mo taiꞌo i te Traducción del Nuevo Mundo mo ai ko huri ꞌā ki te reꞌo ena ōꞌou. Mo ai ꞌina, ka kimi nei Pipiria ꞌā hai ꞌarero aŋi-aŋi ꞌāꞌau.

• E riva nō mo haꞌamata mo taiꞌo hai ŋā ꞌaꞌamu haŋa era ꞌāꞌau. Ka uꞌi te kona e kī era “Mo haꞌamata mo taiꞌo i te Pipiria”.

• Ka tāpaꞌo te kau o te Pipiria ko oti ꞌā koe i te taiꞌo. Mo aŋa i te meꞌe nei ka oho ki te kona e kī era “Tāꞌaku meꞌe i taiꞌo”.

• Ka uru koe ki te app JW Library^®. Mo haka topa koe ki taꞌa celular, he riva koe mo taiꞌo ꞌe mo haka roŋo i te Pipiria ꞌi te taꞌatoꞌa nō kona.

• Ka taiꞌo te  apéndice o te Traducción del Nuevo Mundo. ꞌI ruŋa e eꞌa ena te mapa, te glosario ꞌe tētahi atu meꞌe, mo hāꞌūꞌū atu mo aŋi-aŋi taꞌa meꞌe ka taiꞌo ena.

5. Ka hāpī hoko tahi nō he raꞌe ki te hāpī kōrua ko te kope hāpī atu ena i te Pipiria

Ka taiꞌo Salmo 119:34 ꞌe ꞌai ka vānaŋa rō kōrua o ruŋa i te meꞌe nei:

• ¿ꞌO te aha he meꞌe riva-riva mau ꞌā mo pure ōꞌou he raꞌe ki te taiꞌo ꞌe ki te hāpī i te Pipiria?

Mo hāpī riva-riva i te Pipiria kōrua ko te kope e hāpī atu ena, ¿he aha taꞌa meꞌe mo aŋa he raꞌe? Ka hāpī he raꞌe hoko tahi nō a te huru e kī atu ena ꞌi raro nei:

1. Ka taiꞌo tahi te kupu vānaŋa o te hāpī ka hāpī ena.

2. Ka kimi ꞌe ka taiꞌo tahi te kupu vānaŋa o te Pipiria e eꞌa ena ꞌi ruŋa i te hāpī, ꞌe ꞌai ka haka topa rō pē hē e haka tano ena rā kupu vānaŋa ki te meꞌe pāpaꞌi era ꞌi ruŋa.

3. Ka haro-haro hai pentara te pāhono o te ꞌui. Mo aŋa pē ira e ko aŋa rahi mo hāpī kōrua ko te kope hāpī atu ena i te Pipiria.

¿Ko ꞌite ꞌā koe i te meꞌe nei?

Rahi nō atu te Pipiria i hāpī ai e te taŋata haka ꞌite o ruŋa Iehoha ꞌi muꞌa ꞌā. ꞌI te hora nei ko te Pipiria Traducción del Nuevo Mundo te Pipiria ꞌata haŋa mo hāpī ꞌo te ai, ko huri riva-riva ꞌā, he meꞌe taꞌe roa mo aŋi-aŋi ꞌe e eꞌa rō ꞌā te ꞌīŋoa o te ꞌAtua ꞌi ruŋa (ka kimi ꞌe ka taiꞌo ꞌi jw.org te kona e kī era: “¿Tienen los testigos de Jehová su propia Biblia?”).

TE MEꞌE MO AŊI-AŊI O RUŊA I TE HĀPĪ NEI

Mo riva te Pipiria mo hāꞌūꞌū atu: Ka haka topa te hora mo taiꞌo, ka pure ki te ꞌAtua mo hāꞌūꞌū atu mo aŋi-aŋi taꞌa meꞌe e taiꞌo ena, ꞌe ka hāpī koe he raꞌe ki te vari atu te kope e hāpī ena kōrua.

Mo taꞌe rehu

• ¿Pē hē koe ana hāpī i te Pipiria mo riva mo hāꞌūꞌū atu?

• ¿Ko hora hē te hora tano mōꞌou mo taiꞌo ꞌe mo hāpī i te Pipiria hoko tahi nō?

• ¿ꞌO te aha he meꞌe riva-riva mōꞌou te hāpī hoko tahi nō he raꞌe ki te vari atu te kope e hāpī ena kōrua?

MO RARA MO OHO

Te puka nei he hāꞌūꞌū atu mo ꞌite pē hē ana taiꞌo i te Pipiria mo taꞌe haꞌumani ōꞌou.

“Disfrute leyendo la Biblia” (La Atalaya, núm. 1 2017)

Ka uꞌi e toru rāveꞌa mo taiꞌo ōꞌou i te Pipiria.

“¿Pē hē te Pipiria e hāꞌūꞌū mai ena? Te meꞌe 1: ka taiꞌo ꞌe ka māhani i taꞌa Pipiria” (Meꞌe pāpaꞌi ꞌi roto i te Internet nō)

Ka uꞌi ꞌi te kona nei pē hē koe ana taiꞌo i te Pipiria mo taꞌe haꞌumani ōꞌou.

“¿Pē hē te Pipiria e hāꞌūꞌū mai ena? Te 2 meꞌe: ka hāpī he aha taꞌa meꞌe mo aŋa mo koa ꞌi te hora e taiꞌo era i te Pipiria” (Meꞌe pāpaꞌi ꞌi roto i te Internet nō)

Ka uꞌi he aha te meꞌe e kī ena e te nuꞌu ko rahi ꞌā te matahiti e taiꞌo ena i te Pipiria.

Pē hē ana hāpī i te Pipiria mo maꞌa tuꞌu ꞌite (2:06)