KAU 13
Te tohu ꞌe te tahu-tahu he meꞌe rake-rake
Te Tātane ko haŋa ꞌā mo aŋa ōꞌou i te tahu-tahu. Rahi nō te taŋata vānaŋa ki te vārua ꞌe ki te tupuna mo taꞌe rave ꞌino i a rāua. Ko aŋa ꞌā peira i te rāua riꞌa-riꞌa ki te vārua o te rua aro era. Oīra, he aŋa i te umu tahu mo hāꞌūꞌū, ꞌe mo haꞌamoꞌa i te rāua aŋa ꞌe mo taꞌe rave ꞌino ki a rāua. Takoꞌa, e iri era ki ꞌuta ꞌe e turu era ki tai, he vaꞌai te kai topa-topa ki te vārua mo hāpaꞌo i a rāua. He meꞌe rake-rake takoꞌa, mo ohu ki te vārua mo tohu i te taŋata.
Te huru hopeꞌa o te riva mo hāpaꞌo i a koe mai te Tātane, e riro he ŋaruhoa o te ꞌAtua. Ko pohe riva-riva ꞌā Iehoha mo hāꞌūꞌū hai tōꞌona pūai, ki tōꞌona ŋaruhoa. A rāua paꞌi ꞌina he hape ki a Īa (2 Crónicas 16:9). Ata hau te pūai o Iehoha rāua ko tāꞌana merahi, ki te Tātane rāua ko tāꞌana vārua rake-rake (Santiago 2:19; Revelación [Apocalipsis] 12:9).
Te Puka o te ꞌAtua e kī rō ꞌā: “ꞌIna ko aŋa te tahu-tahu”. He enemī mau a Iehoha te tohu ꞌe te tahu-tahu, o te maꞌu i a koe tītika ki roto i te rima o te Tātane (Levítico 19:26).