Te ŋaruhoa o te ꞌAtua e aŋa rō ꞌā i te meꞌe riva

Mo ai tuꞌu repahoa moꞌa hai here, he pohe koe mo tuꞌu pē īa. I ruŋa i a Efesios 5:⁠1, 2 e tāpura rō ꞌā: “Ka haka tere kōrua a te huru haka tere o te ꞌAtua pahe ŋā poki here, ꞌe ka oho a roto i te here”. I ruŋa i a Salmo 25:⁠8 e kī takoꞌa rō ꞌā: “Riva ꞌe tītika a Iehoha”. Oīra e haka tere koe a te huru riva ꞌe tītika o Iehoha, mo riro he ŋaruhoa o te ꞌAtua. I he tapa iti⁠-⁠iti atu pe hē koe ana tuꞌu pahe huru tere o Iehoha:

Hāꞌūꞌū ki te tahi. “Ka aŋa te meꞌe riva⁠-⁠riva ki te taꞌatoꞌa”. (Gálatas 6:⁠10.)

E ai koe taŋata haka kē mo aŋa. “Te toke⁠-⁠toke ꞌina ko toke haka ꞌou, oīra, ka aŋa hai haka kē ōꞌona ꞌe hai tōꞌona rima i te aŋa riva⁠-⁠riva”. (Efesios 4:⁠28.)

E haka maitaki te hakari ꞌe te manaꞌu. “Ka haka maitaki te ꞌoꞌone o te hakari ꞌe o te manaꞌu, mo tuꞌu ki te roa maitaki mau o te ꞌAtua hai moꞌa ki a Īa.” (2 Corintios 7:⁠1.)

E moꞌa ꞌe e here ki te tātou huaꞌai. “E tahi e tahi o roto i a kōrua [...] e here ki tāꞌana viꞌe haīpoīpo pahe here iŋa ena ki a koe ꞌā, peira ꞌā te viꞌe, e moꞌa nui⁠-⁠nui ki tāꞌana kenu. Ŋā poki, ka haka roŋo ki te kōrua matuꞌa”. (Efesios 5:⁠33–6:⁠1.)

Here ki te rua. “Ki here ki oho ki a tātou ꞌe ki te rua, o te ꞌAtua paꞌi te here”. (1 Juan 4:⁠7.)

Haka roŋo ki te roŋo o te kaiŋa. “Taꞌatoꞌa taŋata e moꞌa e haka roŋo ki te pūꞌoko haka tere [...] Ka vaꞌai ki te taꞌatoꞌa te rāua meꞌe tano: mo nonoꞌi atu ki te moni [mo ꞌauhau te hāpī, te ꞌopitara], ka vaꞌai te moni”. (Romanos 13:⁠1, 7.)