¿Pē hē ana haka takeꞌa ki a Iehoha e haka roŋo rō ꞌā koe i tāꞌana uŋa taꞌatoꞌa?

A te paeŋa o te ꞌAtua koe ana oho (1 Pētero 5:6-9).

E ai te haka kē mo haka rē tahi te manaꞌu ꞌe te haka tere taꞌe tano ki te meꞌe hāpī e te Puka o te ꞌAtua.

ꞌIna koe ko peꞌe ki te huru manaꞌu, aŋa, moto, ture o te taŋata pūꞌoko haka tere henua. Ki a Iehoha nō koe ana peꞌe ꞌe ki tōꞌona Haka Tere.

Te meꞌe hopeꞌa o te riva-riva mo aŋa ōꞌou he haka roŋo ki te ꞌAtua (Māteo 7:24, 25).

E rao koe ki te koro paina piri o te taŋata haka ꞌite o ruŋa o Iehoha. Mo rāua e hāꞌūꞌū atu mo ꞌite riva-riva ōꞌou o ruŋa i te ꞌAtua.

E hāpī e oho koe o ruŋa i te ꞌAtua ꞌe, e haka ꞌuhu mo haka roŋo ꞌe mo aŋa i te meꞌe uŋa mai era.

Ka hio-hio ka oho ena ꞌi roto i tuꞌu māhatu, tuꞌu haŋa mo aŋa ki a Iehoha, e pure e kī ko haŋa ꞌā koe mo vaꞌai i a koe ki a ia, ꞌe ꞌai koe ka papatito rō (Māteo 28:19).

Ka haka roŋo ki te ꞌAtua. Ka taiꞌo tāꞌana puka ꞌe ka no-noꞌi ki te taŋata haka ꞌite o ruŋa o Iehoha, mo hāꞌūꞌū atu mo aŋi-aŋi riva-riva rā puka. Mo haka tere ōꞌou a te ara hāpī era, he ora koe ki te hopeꞌa raꞌa (Salmo 37:29).