Igl avegnir: co ves’el ora?

TGEI DI LA BIBLA?

Diu „vegn a schigentar tut las larmas da lur egls. La mort vegn buca pli ad esser; e tristezia, ... dolur vegnan mai pli ad esser. Pertgei quei che fuva antruras ei vargau.“ (Palentada 21:4, Bibla romontscha ecumena)

TGEI AVANTATG HAVEIN NUS DA QUEI?

Ina lavur che cuntenta (Jesaja 65:21-23)

Mai pli malsognas ni pitir (Jesaja 25:8; 33:24)

Ina veta ventireivla, senza fin (Psalm 37:11, 29)

SAVEIN NUS FIDAR ALLA BIBLA?

Gie, cheu mo 2 raschuns:

• Diu ha la pussonza da midar enzatgei! La Bibla di che mo Diu Jehova ei il Tutpussent. Sia pussonza ei senza fin (Palentada 15:3). Nuot sa impedir el d’ademplir si’empermischun da procurar per in meglier futur. „Per Diu ei tut pusseivel“ (Mattiu 19:26).

• Jehova Diu vul ina midada! El ha il desideri da dar nova veta als morts (Job 14:14, 15).

  Siu fegl Jesus ha curau malsauns, di la Bibla. Daco? El ha da cor bugen gidau ses concarstgauns (Marcus 1:40, 41). El ei prezis sco siu bab (Gion 14:9).

  Omisdus, Jehova e Jesus, vulan che nus seigien ventireivels. Quei ei fetg impurtont per els (Psalm 72:12-14; 145:16; 2 Pieder 3:9).