Tgei ei il reginavel da Diu?

TGEI DI LA BIBLA?

„Diu vegn ad ereger in reginavel che vegn mai destruius“ (Daniel 2:44, Bibla romontscha ecumena)

Jesus „vegn a reger … per adina, e siu reginavel vegn mai a ver fin“ (Lucas 1:33)

TGEI VUL QUEI DIR PER NUS?

• Ina regenza gesta che mira per il beinstar da mintgin (Jesaja 48:17, 18)

• Mai pli malsognas, ventira senza fin en in niev mund (Palentada 21:3, 4)

SAVEIN NUS FIDAR ALLA BIBLA?

Gie, cheu mo 2 raschuns:

• Jesus ha empermess ch’il reginavel da Diu vegn a midar tut. El ha mussau a ses giuvnals d’urar ch’il reginavel da Diu vegni e che sia veglia daventi sin tiara (Mattiu 6:9, 10). El ha era mussau co quella supplica daventa realitad in di.

  Cu Jesus era sin tiara, ha el dau da magliar a quels che havevan fom, curau ils malsauns e schizun dau nova veta a morts (Mattiu 15:29-38; Gion 11:38-44). Aschia ha el dau ina grondiusa prevista da quei ch’el vegn a far per nus sco retg (Palentada 11:15).

• Il mund malsegir dad oz muossa si ch’enzatgei sto semidar e nus havein ner basegns dil reginavel da Diu. Jesus ha detg ordavon tgei ch’ins sa observar cuort avon ch’il reginavel da Diu porta pasch sin tiara: uiaras, fomazs e tiaratriembels (Mattiu 24:3, 7).

  Precis quei vesin nus oz sigl entir mund. Nus savein pia esser segirs ch’il reginavel schligia gleiti tut quels problems.