Псалм

32 Радосно тано о мануш каскоро престап тано простимо, каскоро грево тано учхардо. 2 Радосно тано о мануш кас со о Јехова на кривинела башо грево хем ко каскоро вило нане ховајбе. 3 Кеда чутинава сине, мле кокала шукиле тари бари дукх со осетинава ла сине по цело диве. 4 Соске, диве-рат сине манге бут пхаро соске џанљум кај ту на сиан задоволно мандар. Нашавдили мли сила сар о пани со испаринела ко баро татипе. 5 Ко крајо признајнѓум мло грево хем на гаравѓум мли кривица. Вакерѓум: „Ка признајнав е Јеховаске са мле грешке“. Хем ту простинѓан мли грешка, мле гревија. 6 ... 7 Ту сиан мло тхан гарајбаске, ту ка аракхе ман таро неволје. Ка опколине ман бахтале гиљаја башо мло спасение. 8 „Ка поможинав тут те хаљове о буќа хем ка сикавав тут башо друмо пало кова со ваљани те џа. Ка дав тут совет, мли јакх ка овел упри туте. 9 ... 10 ... а окова со иси ле доверба ко Јехова тано опколимо таро лескоро верно мангипе. 11 О Јехова нека овел тумаро бахталипе хем веселинен тумен...