Михеј
4 Ко последна диве, и планина е Јеховаскере кхерескири ка терѓол зорале упредер ко најуче тхана ко планине хем ка овел ваздими упро брегија, хем ки лате ка кхеден пе о мануша. 2 Хем бут народија ка џан хем ка вакерен: Авен! Те џа ки е Јеховаскири планина, ко кхер е Јаковескере Девлескоро. Ов ка сикавел амен башо пле друмија хем ка џа пало лескере друмија. Соске, таро Сион ка икљол закони, а таро Ерусалим е Јеховаскоро лафи. 3 Ов ка судинел буте манушенге, хем ка срединел о буќа машкар зорале народија таро дур тхана. Ола ка ковинен пумаре мачија ко плугија хем пумаре копја ко српија. Народо упро народо повише нане те ваздел мачи хем повише нане те сикљовен те марен пе. 4 Секова јекх ка бешел тели пли дракх хем тели пли смоква хем никој нане те даравкерел лен, соске адала тане лафија со авена таро муј е Јеховаскоро о заповеднико е војскенгоро. 5 Соске, са о мануша ка џан секој ко пле девлескоро анав, а амен ка џа ко анав е Јеховаскоро, амаро Девел, ко са о време, ки цело вечност. 6 ... 7 ... 8 ... 9 ... 10 ... 11 ... 12 ... 13 ...