2. Мојсеева

3 О Мојсеј аракхела сине е Јоторескере бакхрен, пле састрескере, кова со сине мадијамско свештенико. Џикоте водинела сине е бакхрен ки западно страна тари пустина, ко крајо ресља џи ки планина е чачутне Девлескири, ко Хорив. 2 Тегани е Јеховаскоро ангели појавинѓа пе леске ки јаг со тхабљола сине ки јекх грмушка. Ов дикхља и грмушка која со сине ла јаг, ама нисар на тхабљола сине. 3 О Мојсеј вакерѓа: „Ка џав попаше те дикхав сој акаја чудно бути, те дикхав соске и грмушка на тхабљола“. 4 Кеда о Јехова дикхља сар авела попаше те шај те дикхел пошукар, викинѓа ле тари грмушка: „Мојсеј! Мојсеј!“ А ов вакерѓа: „Аке сиум!“ 5 Тегани вакерѓа леске: „Ма ава попаше! Икал тле сандале соске о тхан коте со терѓовеа тано свето!“ 6 Понадари вакерѓа: „Ме сиум о Девел тле дадескоро, о Девел е Авраамескоро, о Девел е Исакоскоро хем о Девел е Јаковескоро“. Тегани о Мојсеј гаравѓа пло муј соске дарандило те дикхел ко чачутно Девел. 7 А о Јехова вакерѓа: „Дикхљум кобор тано мучимо мло народо ко Египет, шунѓум сар жалинена пе таро адала со теринена лен те керен бути хем шукар џанава ленгере дукха. 8 Адалеске хулиљум те спасинав лен таро египетско вас хем те ингарав лен тари адаја пхув ки шукар хем бари пхув, ки пхув коте со тхавдела авгин хем тхуд, ки пхув коте сој о Ханаанција, о Хетејција, о Аморејција, о Ферезејција, о Евејција хем о Евусејција. 9 Хем акана, аке, адава со жалинена пе о Израелција ало џи манде хем дикхљум кобор бут мучинена лен о Египќања. 10 Адалеске, акана бичхалава тут ко фараони те икале мле народо, е Израелцон, таро Египет“. 11 ... 12 ... 13 ... 14 Тегани о Девел вакерѓа е Мојсееске: „Ка овав са со мангава те овав“... 15 Тегани о Девел панда јекх пути вакерѓа е Мојсееске: „Акава ка вакере е Израелцонге: ,О Јехова, о Девел тумаре парададенгоро, о Девел е Авраамескоро, о Девел е Исакоскоро хем о Девел е Јаковескоро, бичхалѓа ман туменде.‘ Акава тано мло анав засекогаш, аѓаар ка памтинен ман тари генерација ки генерација. 16 ... 17 ... 18 ... 19 ... 20 ... 21 ... 22 ...