6. ПУЧИБЕ
Со пророкујнѓа и Библија башо Месија?
ПРОРОШТВО
„А ту, Витлеем Ефрато... тутар ка икљол окова со ка овел владетели ко Израел.“
ИСПОЛНИНЃА ПЕ
„Откеда о Исус бијандило ко Витлеем тари Јудеја, кеда о Ирод сине цари, о астрологија таро исток але ко Ерусалим.“
ПРОРОШТВО
„Делинена мле шеја машкар песте хем фрдена ждрепка башо мле шеја.“
ИСПОЛНИНЃА ПЕ
„Кеда о војникија ковинѓе е Исусе ко стубо, леле лескири упруни наметка хем делинѓе ла ко штар делија... Хем леле лескири телуни наметка да која со на сине сивди него сине целосно плетими. Адалеске вакерѓе јекх јекхеске: ’Те на пхарава ла, него ждрепкаја те одлучина каскири ка овел‘.“
ПРОРОШТВО
„Ов аракхела са лескере кокала, нијекх лендар нане пхаго.“
ИСПОЛНИНЃА ПЕ
„Кеда але џи ко Исус дикхле кај више сине муло хем на пхагле лескере чанга.“
ПРОРОШТВО
„Ов сине посавдо башо амаро грево.“
ИСПОЛНИНЃА ПЕ
„Јекх таро војникија леља копје хем посавѓа ле теледер о ребре, хем одма тхавдинѓа лестар рат хем пани.“
ПРОРОШТВО
„Денѓе ман и плата, 30 сребреникија.“
ИСПОЛНИНЃА ПЕ
„Тегани јекх таро 12 апостолија, кова со викинела пе сине Јуда Искариот, гело ко главна свештеникија хем вакерѓа ленге: ’Со ка ден ман ако предајнава е Исусе туменге?‘ Ола договоринѓе пе леа кај ка ден ле 30 сребреникија.“