14. ПУЧИБЕ
Сар те користине мудро о паре хем о материјална буќа?
„Кој мангела о задоволство, чорољовела, хем кој мангела и мол хем о масло, нане те барваљовел.“
„Кој лела борчи, слуга тано околеске со дела ле о борчи.“
„Кој тумендар, кеда мангела те керел кхер, нане прво те бешел хем те рачунинел о трошако те шај те дикхел дали иси ле са сој леске потребно те шај те завршинел ле? Соске, шај те чхивел о темели, ама те нашти те завршинел о кхер, па сарине со ка дикхен адава ка почминен те асан леске хем ка вакерен: ’Акава мануш почминѓа те градинел, ама нашти сине те завршинел‘.“
„Кеда чалиле, ов вакерѓа пле учениконге: ’Кхеден адава со ачхило, те шај ништо ма те џал зијани‘.“