16. ПУЧИБЕ
Сар те икљове ко крајо е секирациенцар?
„Фрде тло пхарипе е Јеховаске, хем ов ка поможинел тут. Никогаш нане те мукхел о праведно мануш те сопкинел пе.“
„О планија околескере со трудинела пе сигурно анена корист, а секој со сиѓарела џала ко чоролипе.“
„Ма дара, соске ме сиум туја! Ма ов секиримо, соске ме сиум тло Девел! Ме ка керав тут зорало хем ка поможинав туке. Ка икерав тут мле десно праведно вастеа.“
„Кој тумендар, адалеа со ка секиринел пе, шај барем хари те продолжинел пло живото?“
„Адалеске, никогаш ма секиринен тумен башо тајсутно диве, соске о тајсутно диве иси ле пле секирацие. Доволно тано со секова диве иси ле пле проблемија.“
„Проценинен сој тано најважно.“
„Ма секиринен тумен башо ништо, него са адава со ваљани туменге вакерен ле е Девлеске ки молитва. Молинен тумен леске цело вилеа хем благодаринен тумен леске. Ако керена аѓаар о мир таро Девел, кова сој упредер таро адава со шај о мануш те хаљол, ка аракхел тумаре виле хем тумаре мисле преку о Христос Исус.“