18. ПУЧИБЕ
Сар шај те ове паше е Девлеа?
„Ту сиан адава со шунела о молитве, ки туте авела секова мануш.“
„Нека овел тут доверба ко Јехова цело вилеа хем те на овел тут доверба ко тло хаљојбе. Ко са тле друмија нека овел туке ки годи, хем ов ка испрајнел тле друмија.“
„Те шај те овел лен вечно живото ваљани шукар те пенџарен тут, е јекхе чачутне Девле хем околе со бичхалѓан ле, е Исус Христосе.“
„[О Девел] нане дур никастар амендар.“
„Понадари молинава ман тумаро мангипе са повише хем повише те бајрол, пошукар те пенџарен хем шукар те хаљовен е Девлескири волја.“
„Ак некаске тумендар фалинела мудрост, понадари да нека родел таро Девел хем ов ка дел ле, соске ов дела дарежливо сариненге хем бизо те родел о грешке.“
„Овен паше е Девлеа, хем ов ка овел паше туменцар. Тумен о грешникија, тховен тумаре васта, тумен со на сиен одлучна, чистинен тумаре виле.“
„Те мангел пе е Девле значинела те икерен пе лескере заповедија, а лескере заповедија нане пхаре.“