Верно е Девлеске
Со значинела те овел пе верно е Девлеске?
Пс 18:23-25; 26:1, 2; 101:2-7; 119:1-3, 80
Библиска извештаија:
3Мо 22:17-22 — О Јехова родинѓа о животинска жртве те овен бизи маана. О лафија „бизи маана“ тане паше поврзиме е хебрејско лафеа сој преведимо сар „верно е Девлеске“, со сикавела кај те ова верна е Девлеске значинела целосно те кера адава со родела о Девел
Јов 1:1, 4, 5, 8; 2:3 — Е Јовескоро живото сикавела кај те ачховел пе верно е Девлеске, значинела хор те поштујнел пе е Девле, те служинел пе леске цело вилеа хем те на керел пе адава сој лошно англо лескере јакхја
Соске ваљани те ова верна е Девлеске?
Со ка поттикнинел амен те ачхова верна е Девлеске?
Сар шај те бајрара амари вера ко Девел хем те на нашава ла?
Дикх хем 5Мо 5:29; Иса 48:17, 18
Библиска извештаија:
Јов 31:1-11, 16-33 — О Јов ко секова диве таро пло живото сикавѓа кај тано верно е Јеховаске цело вилеа, аѓаар со на керѓа неморал, сикавела сине поштовање е јаверенге хем сине љубезно ленцар. Ов на служинела сине идоленге него само е Јеховаске, хем лескоро амалипе е Јеховаја сине леске поважно таро лескере материјална буќа
Да 1:6-21 — О Даниел хем лескере трин амала ачхиле верна е Девлеске чак кеда ваљанѓе те биринен со ка хан, иако живинена сине манушенцар кола со на верујнена сине ко Јехова
Ако некој повише пути керела лошна буќа, дали некогаш палем о Девел шај те дикхел ки лесте сар верно?
Библиска извештаија:
1Ца 9:2-5; Пс 78:70-72 — Адалеске со о цари о Давид каинѓа пе башо пле гревија, о Јехова простинѓа леске хем понадари да дикхља ки лесте сар верно мануш
Иса 1:11-18 — Иако о Јехова вакерѓа кај лескоро народо тано лицемерно хем пхердо гревонцар, ов ветинѓа кај ка керел те овен целосно чиста ако каинена пе хем чхинавена те керен лошна буќа