Ревно те охрабрина амен јекх јекхеа те кера шукар буќа

Ко Евреите 10:24 охрабринела амен „те размислина јекх јекхеске те шај те поттикнина амен те сикава мангипе хем те кера шукарипе“. Амен шај те охрабрина амаре пхрален адалеа со ка дикхен амаро пример хем амари вера. Вакер ленге о шукар искуствија со сине тут. Нека дикхен ки туте кобор сиан радосно со служинеа е Јеховаске. Џикоте кереа адава, пазин ма те осетинен пе кај на керена доволно ки споредба туја или јаверенцар (Гал. 6:4). Користин о способностија со иси тут те охрабрине е јаверен ко ‚мангипе хем шукар буќа’, а на те осетинен пе крива кај на керена доволно. (Дикх о лил Школа за служба, ки 158 страница, 4 пасус.) Ако охрабринаја амен ко мангипе, тегани ка кера шукар буќа, сар со и материјално те поможина е јаверенге хем те проповедина (2. Кор. 1:24).