Спреминеа ли ту баши Спомен-свеченост?
Ко 13 нисан 33 берш а.е. о Исус џанѓа кај адаја тани и последно рат со шај те овел заедно пе учениконцар англедер те мударен ле. Ов мангља те славинел ленцар пли последно Пасха хем те вовединел јекх неви прослава, е Господарескири вечера. Асавко важно настан ваљани сине шукар те спреминел пе. Адалеске, ов бичхалѓа е Петаре хем е Јоване те спреминен са со ваљани (Лука 22:7-13). Авдиве да, е христијаненге со мангена те славинен и Спомен-свеченост бут тано важно шукар те спреминен пе (Лука 22:19). Кола важна буќа ваљани те кера те шај те спремина амен баши Спомен-свеченост со ка овел ко 3 април?
Е објавителенге:
Керен плани побутер те џан ки служба те шај те канинен е манушен баши Спомен-свеченост.
Керен списако те канинен е интересентен, тумаре фамилија, соученикон, колеген хем јаверен со пенџарена.
Читинен хем размислинен башо материјали со читинела пе тари Библија баши Спомен-свеченост.
Авен порано ки Спомен-свеченост те шај те аџикерен е манушен со ка авен.