Користин и брошурка Запознај се со Божјата Реч те шај те почмине те кере лафи е манушенцар
1. Сави неви брошурка добинѓем баши служба?
1 Јекх таро неве публикацие со добинѓем ко регионално конгрес ко 2014 берш сине и брошурка Запознај се со Божјата Реч. Сар шај те користина акаја брошурка кеда спреминаја презентација баши служба? Исто сар ко лил Резоновање, акате да иси теме тари Библија хем ки секоја тема иси некобор стихија со ка поможинен амен те кера лафи е манушенцар.
2. Сар шај те користина ки служба и неви брошурка?
2 Шај те користине о 8 пучибе хем те вакере: „Кераја лафи е манушенцар соске бут џене пучена пес ‚Дали о Девел тано криво башо муке е манушенгере?‘ [Ко несаве подрачја шај ка овел пошукар те сикаве о пучиба е станареске.] Со мислинеа ту башо адава? [Мукх те одговоринел.] И Библија дела одговор башо акава пучибе.“ Читин јекх или побутер стихија директно тари Библија хем објаснин лен. Ако о станари сикавела интерес, шај те сикаве леске са о пучиба тари содржина хем те биринел песке јекх тема башо јавер пути. Или, шај те нудине леске литература проучибаске коте со иси побутер информацие баши тема со керена лафи.
3. Сар шај те користина и неви брошурка кеда кераја лафи е манушенцар со нане христијања?
3 Ко подрачје коте со о мануша нане христијања шај те користинен пе о 4 хем таро 13 џи ко 17 пучиба. На пример, шај те користине о информацие таро 17 пучибе хем те вакере: „Кераја лафи е манушенцар хем мангаја те пуча лен: Дали мислинеа кај авдиве е фамилиен иси лен бут проблемија? [Мукх те одговоринел.] Буте манушенге со и ко брако поможинѓе акала лафија: ‚И ромни ваљани таро вило те поштуњел пе роме.‘ [На ваљани те вакере кај акава тано таро Ефешаните 5:33. Ако кереа лафи јекхе ромњаја, тегани шај те цитирине о лафија таро Ефешаните 5:28.] Со мислинеа, дали акала советија, ако икераја лен, ка поможинен те овел амен пошукар брако?“
4. Кеда кереа некасаја лафи со нане христијани, со шај те кере англедер те џа туке?
4 Англедер те џа туке, шај те договорине ту те продолжине и дискусија ки јавер прилика. Тегани шај те кере лафи башо јавера стихија таро пучиба со и денде. Аракх шукар прилика те вакере леске кај акала стихија со читинѓан лен тане тари Библија. Таро адава со керѓен лафи дикх со мислинела баши Библија хем нудин леске литература со мислинеа кај ка интересинел ле. (Дикх о додаток ки Амари служба башо Царство таро декември 2013 берш.)