Кобор тани бари тли вера ко е Јеховаскере ветувања?

О Исус Навин хем о Соломон вакерѓе кај на ачхило нијекх пророштво со на исполнинѓа пе (ИсН 23:14; 1Ца 8:56). Акала мануша дикхле сар о Јехова исполнинела о пророштвија, адалеске ленгере лафија шај те бајрарен амари вера (2Ко 13:1; Тит 1:2).

Сар о Јехова исполнинѓа пле ветувања ко време е Исус Навинескоро? Заедно те фамилијаја, дикхен и видеодрама „Ниту едно ветување не остана неисполнето“. Пало адава дикхен акала пучиба: 1) Сар шај те сикаве вера сар и Раав? (Ев 11:31; Јк 2:24-26). 2) Сар о пример е Аханескоро сикавела кобор тане лошна о последице кеда тано некој непослушно? 3) Иако о Гаваонција сине јунакија, соске ховавѓе е Исус Навине хем склучинѓе мир е Израелцонцар? 4) Сар е Јеховаскере лафија уле чаче кеда о панџ аморејска царија заканинѓе пе е Израелцонге? (ИсН 10:5-14). 5) Сар о Јехова поможинѓа тут адалеске со чхивѓан ко прво тхан ко тло живото о Царство хем е Девлескири праведност? (Мт 6:33).

Ако размислинаја башо са адава со керѓа о Јехова, со керела акана хем со ка керел ки иднина, амари вера ко лескере ветувања ка овел посилно (Ри 8:31, 32).