Избегин о замке таро социјална мреже

СОСКЕ ТАНО ВАЖНО: О социјална мреже шај те овен корисна или штетна. Несаве христијања биринѓе те на користинен лен. Јавера користинена лен те шај те контактиринен пумаре фамилијаја хем амаленцар. Ама, о Сатана мангела те на користина мудро о социјална мреже, а адава шај те руминел амаро углед хем амаро амалипе е Јеховаја. Исто сар о Исус, амен шај те користина о начелија тари Библија те шај те пенџара о опасностија хем те избегина лен (Лк 4:4, 8, 12).

ЗАМКЕ КОЛЕНДАР ВАЉАНИ ТЕ АРАКХА АМЕН:

• Претерано користибе о социјална мреже. Ако накхаваја бут саатија ко социјална мреже, нане те овел амен доволно време башо духовна активностија.

  Библиска начелија: (Еф 5:15, 16; Фп 1:10)

• Те дикхел пе сомнително материјали. О дикхибе провокативна слике шај те анел џи ки зависност тари порнографија или неморал. О читибе отпадничко материјали или форумија шај те керел аменге штета ко духовно поглед.

  Библиска начелија: (Мт 5:28; Фп 4:8)

• Те чхивен пе коментарија или слике со нане пристојна. Амаро ховавно вило шај те теринел амен те чхива слике или коментарија со нане пристојна. Ама, акалеа шај те румина некаскоро углед или те сопкина некас ко духовно поглед.

  Библиска начелија: (Ри 14:13; Еф 4:29)

ДИКХЕН О ВИДЕОКЛИПИ КОРИСТИН МУДРО О СОЦИЈАЛНА МРЕЖЕ, ХЕМ ПАЛО АДАВА ДИСКУТИРИНЕН САР ШАЈ ТЕ ИЗБЕГИНЕН АКАЛА СИТУАЦИЕ: