БАРВАЛИПА ТАРО Е ДЕВЛЕСКОРО ЛАФИ | КОЛОШАНИТЕ 1-4
Хуљавен и пурани, а уравен и неви личност
Дали керѓан баре промене ки тли личност откеда прифатинѓан о чачипе? Ов сигурно кај о Јехова сине бут бахтало со трудинѓан тут те кере адава (Езе 33:11). Ама ваљани стално те трудина амен те сикава о особине тари неви личност хем те на дозволина те иранел пе аменге несави особина тари пурани личност. Одговорин ко пучиба сој потеле те шај те дикхе ко кола буќа шај те ове пошукар:
Дали икерава холи некаске со грешинѓа манге?
Дали сикавава стрпливост чак кеда сиѓарава хем кеда сиум уморно?
Ако појавинела пе манге несави неморално мисла, дали одма цидава ла?
Дали иси ман негативна чувствија спрема о мануша тари јавер раса или националност?
Дали ко последно време керѓум некасаја лафи ко нељубезно или хољамо начин?