„Ки цели пхув сине само јекх чхиб“

11:1-4, 6-9

Ко Вавел, о Јехова керѓа о непослушна мануша те ширинен пе ки цели Пхув аѓаар со мешинѓа ленгири чхиб. Авдиве ов кхедела јекх баро мноштво мануша таро са о народија хем чхибја. Ов сикавела лен те керен лафи и „чисто чхиб“ те шај те „викинен сарине о анав е Јеховаскоро хем те служинен леске сложно“ (Сф 3:9; От 7:9). Акаја „чисто чхиб“ тани о чачипе башо Јехова хем баши лескири намера која со аракхљола ки Библија.

Кеда некој сикљола неви чхиб, нане доволно само те сикљол ки годи неве лафија. Ов сикљола те размислинел ко нево начин. Слично аѓаар, кеда сикљоваја и чисто чхиб е чачипаскири, амари годи менинела пе (Ри 12:2). Акава тано постојано процес кова со керела машкар е Девлескоро народо те овел јекхипе (1Ко 1:10).