ТЕ ЖИВИНА САР ХРИСТИЈАЊА
Ов сар о Јосиф — наш таро блуд
О Јосиф тано аменге шукар пример башо адава сар ваљани те постапина ако аракхљоваја ко искушение те кера неморал. И ромни лескере господарескири повише пути пробинела сине те завединел ле, ама ов секогаш одбинѓа ла аѓаар со вакерела сине: „Сар шај те керав добором баро лошнипе хем те грешинав е Девлеске?“ (1Мо 39:7-10). Лескере лафија сикавена кај ов више англедер размислинѓа башо адава кобор тано важно е Јеховаске адала сој ко брако те овен верна јекх јекхеске. Акава поможинѓа леске кеда сине ко искушение те керел неморал. Наместо те ачхол ки е Петефријаскири ромни хем те дел ла прилика те убединел ле, ов нашља (1Мо 39:12; 1Ко 6:18).
ДИКХ О ВИДЕОКЛИПИ НАШ ТАРО БЛУД, А ПАЛО АДАВА ОДГОВОРИН КО АКАЛА ПУЧИБА:
Ки сави ситуација аракхлило о Јин?
Со пучља пе о Јин кеда и Кими замолинѓа ле те поможинел лаке е домашноја баши математика?
Сар осетинѓа пе о Јин откеда и Кими родинѓа лестар адава?
Сар о Јин добинѓа помош?
Со керѓа о Јин те шај те на перел ко искушение те керел неморал?
Со сикљовеа таро акава видеоклипи?