БАРВАЛИПА ТАРО Е ДЕВЛЕСКОРО ЛАФИ | 1. МОЈСЕЕВА 40-41
О Јехова спасинѓа е Јосифе
О Јосиф сине робо хем затворенико, хем цидинѓа муке околу 13 берш англедер о Јехова те спасинел ле. Ама, наместо те кхедел холи, ов сиклило шукар буќа таро адава со случинѓа пе леске (Пс 105:17-19). О Јосиф сине свесно кај о Јехова никогаш на мукхља ле. Ов керѓа о најшукар со шај сине ко адала пхаре околностија. Сар?
О Јосиф сине буќарно хем сикавѓа кај е јаверен шај те овел лен доверба ки лесте. Адалеске о Јехова денѓа ле берекетија (1Мо 39:21, 22).
Наместо те иранел околенге со постапинена сине леа лошно ов сине љубезно е јаверенцар (1Мо 40:5-7).
Сар е Јосифескоро пример поможинела манге те истрајнав кеда иси ман проблемија?
Са џикоте о Јехова на спасинела ман ко Армагедон, сар шај ко најшукар начин те користинав мле околностија?