ТЕ ЖИВИНА САР ХРИСТИЈАЊА
Дали дикхеа о одговор ко тле молитве?
Ки Библија иси бут примерија таро молитве коленде со о Јехова одговоринѓа. Кеда е Девлескере слуге дикхле сар о Јехова шунѓа ленгере молитве кеда сине лен проблемија хем сар поможинѓа ленге, ленгири вера сине зајакними. Адалеске, шукар тано те ова конкретна кеда молинаја амен хем тегани те трудина амен те дикха сар о Јехова одговоринела аменге. Ма бистре кај о одговор шај те овел различно или нешто повише таро адава со очекујнѓан (2Ко 12:7-9; Еф 3:20). Со шај те дел амен о Јехова сар одговор ко амаре молитве?
Физичко, емоционално, или духовно сила те шај те икљова ко крајо е проблемеа (Фп 4:13)
Мудрост те ана шукар одлуке (Јк 1:5)
Желба хем сила те кера нешто (Фп 2:13)
Мир кеда сием секириме (Фп 4:6, 7)
Физичко хем емоционално поддршка таро јавера (1Јо 3:17, 18)
ДИКХ О КЛИПИ „О ЈЕХОВА ТАНО „АДАВА СО ШУНЕЛА О МОЛИТВЕ“, А ПАЛО АДАВА ОДГОВОРИН КО АКАЛА ПУЧИБА:
Сар шај о пример е пхралескоро Шимицу те охрабринел амен кеда нашти те кера повише адалеске со сием насвале?
Сар шај те џа пало пример е пхралескоро Шимицу?