14-20 ЈУЛИ

БАРВАЛИПА ТАРО Е ДЕВЛЕСКОРО ЛАФИ

1. Мудра начелија башо воспитибе чхавен

(10 мин.)

Спремин тле чхавен башо пхарипа со ка авен ко живото (Из 22:3; w20.10 27, пас. 7)

Почмин те сикаве лен панда кеда ка бијанѓовен (Из 22:6; w19.12 26, пас. 17-19)

Воспитин лен мангипаја (Из 22:15; w06-MC 1/4 9, пас. 4)

Јекх дад користинела и Библија џикоте љубезно керела лафи пле чхајаја. Ко лакоро таблети дикхјола пе сар развинела пе о мануш спрема и теорија баши еволуција.

2. Духовна бисерија

(10 мин.)

Из 22:29 — Сар шај те применина акаја изрека кеда керела пе лафи башо собраниска активностија, хем сар адава ка користинел аменге? (w21.08 22, пас. 11)

Тло одговор
Кола духовна бисерија таро читибе и Библија акале куркеске мангеа те вакере лен?

Тло одговор

3. Читибе и Библија

(4 мин.) Из 22:1-19 (th лекција 10)

ДЕ ТУТАР СА КИ СЛУЖБА

4. Те почмина разговорија

(3 мин.) ТАРО КХЕР КО КХЕР. (lmd лекција 5: точка 4)

5. Те почмина разговорија

(4 мин.) НЕФОРМАЛНО СВЕДОЧИБЕ. Сикав е манушеске сар шај ки jw.org те аракхел информацие сој тане корисна е родителенге. (lmd лекција 1: точка 4)

6. Говор

(5 мин.) ijwyp-MC статија 100 — Тема: Пхагљум правило таро мле родителија — со акана? (th лекција 20)

ТЕ ЖИВИНА САР ХРИСТИЈАЊА

7. Ов стрпливо, ама ма ов попустливо

(15 мин.) Дискусија.

Кеда воспитинена пе чхаве ваљани бари стрпливост. О родителија мора те интересинен пе пумаре чхавенге хем те накхавен ленцар доволно време (5Мо 6:6, 7). Те шај те џанен со иси ленгере чхавен ко вило, о родителија мора те пучен лен пучиба, а пало адава шукар те шунен лен џикоте ола керена лафи (Из 20:5). Исто аѓаар, о родителија шај ка ваљани повише пути те повторинен о поуке пумаре чхавенге те шај ола те хаљовен лен хем те применинен лен.

Ама, о стрплива родителија нане попустлива. О Јехова денѓа лен авторитети те чхивен границе пумаре чхавенге, хем пало адава те ден лен и дисциплина која со ваљани кеда ола нане те овен послушна (Из 6:20; 23:13).

Читин Ефешања 4:31. Пало адава пуч:

Соске о родителија на ваљани те воспитинен пумаре чхавен кеда тане хољаме?

Тло одговор

Читин Галатјања 6:7. Пало адава пуч:

Соске тано важно о родителија те сикавен пумаре чхавен кај о лошна постапке анена последице?

Тло одговор

Сцена таро видеоклипи „Стрпливо хем мангипаја трпин е јаверен — Тле чхавен”. О Макс стрпливо шунела џикоте лескири чхај и Су керела лафи.

Мукх о ВИДЕОКЛИПИ Стрпливо хем мангипаја трпин е јаверен — Тле чхавен. Пало адава пуч:

Со сиклиљан таро видеоклипи?

Тло одговор

8. Собраниско проучибе и Библија

(30 мин.) lfb „Писмо таро Водечко тело“, увод башо дело 1 хем лекција 1