Користин тло „духовно поклон“

Сарине амен ценинаја о охрабрување со добинаја кеда сием заедно амаре пхраленцар хем пхењенцар. Ама, те шај те охрабрина амен машкар аменде, нане доволно само те накха време заедно. Ки Библија баши способност те охрабрина амен јекх јекхеа вакерела пе кај тани „духовно поклон“ (Рим. 1:11, 12). Сар шај целосно те користина акава поклон?

Охрабрин е јаверен шукар бириме лафенцар. На пример, кеда коментиринаја ко амаре состанокија о внимание на ваљани те овел ки аменде, него ко Јехова, ко лескоро Лафи хем ко лескоро народо. Кеда сием амаре пхраленцар хем пхењенцар шај те бирина те кера лафи башо буќа кола со ка керен позорали ленгири вера.

Охрабрин е јаверен тле одлукенцар хем постапкенцар. На пример, о јавера шај те дикхен кај одлучинѓан те ачхове ки полновремено служба иако иси тут пхарипа. Или шај дикхена кај редовно сиан ко состанок Амаро живото хем служба иако сиан уморно тари напорно бути или иси тут проблемија састипаја.

Дали охрабринеа е пхрален хем е пхењен тле одлукенцар или постапкенцар? Хем дали дикхеа сар ола охрабринена тут пле духовно поклонеа?