Е Господарескири вечера

1. Јехова ту небесно Девла

и најбари рат акаја.

Англедер бут берша спремно одлучинѓан,

тло мангипе те сикаве.

Бакхро вакерѓан те чхинел пе

тле народо ту спасинѓан.

Хем накхле бут берша кед о Исус ало,

сар бакхро сариненге муло.

2. И мол, о маро сикавена

кај скупо сием платиме,

хем о најбаро поклон аменге денѓан

те шај вечно те живина.

И Спомен аке икераја

сием сарине кхедиме,

сетинаја амен сар денѓан тле Чхаве

таро грево амен те кине.

3. Алем англи туте Јехова

амен саринен викинѓан,

туте хем тле Чхаве ревно ка фалина

благодарност ка сикава.

И рат баши Спомен анела

бари чест башо тло анав.

Верно са ка шуна тло Чхаво со пхенѓа,

хем и награда ка добина.