17 ЛЕКЦИЈА

Ов јасно хем едноставно

1. Кор. 14:9

СО ТЕ КЕРЕ: Поможин е манушенге со шунена тут те хаљовен адава со вакереа.

Проучин шукар о материјали. Ваљани шукар те хаљове и тема те шај те објаснине о буќа ко едноставно начин хем тле лафенцар.
Користин кратка реченице хем едноставна лафија. Иако нане погрешно те користине побаре реченице, шукар тано о главна мисле те вакере лен кратко хем јасно.

Ма вакер деталија со нане потребна, аѓаар нане те бунине е манушен со шунена тут хем нане те пхере лен буте информациенцар. Кер едноставно лафи, а на комплицирано.
Објаснин о лафија со нане пенџарде. Ако шај, избегин те користине лафија со нане пенџарде е манушенге со шунена тут. Ама, ако мора те спомнине несаво похари пенџардо лафи, библиско личност, мерка или обичај таро пурано време, тегани објаснин адава.