ТЕ ПОЧМИНА РАЗГОВОРИЈА
ЛЕКЦИЈА 6
Ов храбро
Начело: „Адалеске со поможинѓа амен амаро Девел кхединѓем храброст те проповедина туменге о шукар хабери“ (1. Сол. 2:2)
Со керѓа о Исус?
1. Дикх о ВИДЕОКЛИПИ или читин Лука 19:1-7. Пало адава размислин башо акала пучиба:
а) Соске шај несаве мануша избегинена сине е Закхее?
б) Иако о јавера избегинена сине е Закхее, соске о Исус вакерѓа леске о шукар хабери?
Со сикљоваја таро Исус?
2. Ваљани аменге храброст те шај те проповедина секоле јекхеске.
Џа пало е Исусескоро пример
3. Нека овел тут доверба ко Јехова. Исто сар со е Девлескоро духо денѓа сила е Исусе шај туке да те дел (Мат. 10:19, 20; Лука 4:18). Молин е Јехова те дел тут храброст те проповедине адаленге со дараја лендар (Апо. 4:29).
4. Ма те овел тут предрасуде спрема о мануша. Шај некаскоро изглед, о начин сар живинела, о буќа коленде со верујнела, или дали тано барвало или чороло, керела те мислина амен дали те проповедина леске. Ама ма бистре:
а) Само о Јехова хем о Исус шај те дикхен со иси ко е манушескоро вило.
б) О Јехова шај те поможинел секоле манушеске.
5. Ов храбро, ама исто аѓаар тактично хем претпазливо (Мат. 10:16). Ма акош тут. Ко шукар начин завршин о разговор е манушеа ако на мангела те шунел о шукар хабери или ако мислинеа кај на сиан безбедно атхе (Изр. 17:14).