Ов искрено

Со керѓа о Исус?

ВИДЕОКЛИПИ: О Исус дела совет јекхе тернеске сој барвало

1. Дикх о ВИДЕОКЛИПИ или читин Марко 10:17-22. Пало адава размислин башо акала пучиба:

1. а) Кола шукар особине шај дикхља о Исус ко терно мануш?

2. б) Соске е Исусеске ваљанѓа мангипе хем храброст те шај те дел ле совет?

Со сикљоваја таро Исус?

2. Амен ваљани те сикава мангипе е интересентенге, ама исто аѓаар искрено те вакера ленге со ваљани те керен те шај те напредујнен.

Џа пало е Исусескоро пример

3. Поможин е интересентеске те чхивел песке целија хем те исполнинел лен.

1. а) Користин и рамка „Цел“ која со аракхљола ки секоја лекција таро лил Ов бахтало засекогаш.

2. б) Поможин е интересентеске те дикхел со ваљани те керел те шај те исполнинел пле целија, бизи разлика дали тане баре или тикне.

3. в) Редовно пофалин е интересенте башо адава со напредујнела.

4. Размислин со чхинавела е интересенте те напредујнел хем поможин ле те керел промене.

1. а) Пуч тут:

   • Со чхинавела е интересенте те крстинел пе?

   • Сар шај те поможинав ле?

2. б) Молин тут баши храброст те шај те кере лафи искрено хем љубезно е интересентеа башо адава со ваљани те керел.

5. Чхинав о библиско курси ако о интересенти на напредујнела.

1. а) Те шај те дикхе дали понадари да ваљани те проучине несаве интересентеа пуч тут:

   • Дали о интересенти керела адава со сикљола?

   • Дали авела ко состанокија хем дали керела е јаверенцар лафи башо чачипе?

   • Ако повише време проучинела, дали мангела те овел е Јеховаскоро сведоко?

2. б) Ако тло интересенти на мангела те напредујнел:

   • Поттикнин ле те размислинел со чхинавела ле те напредујнел.

   • Тактично хем љубезно објаснин леске соске чхинавеа о библиско курси.

   • Вакер леске со ваљани те менинел ако мангела палем те проучинел.