Нево члени ко Водечко тело

СРЕДА сабајле, ко 24 јануари 2018 берш, ко бетелска фамилие ко САД хем ки Канада сине читимо јекх посебно известување. Сине вакердо кај о пхрал Кенет Кук тано нево члени ко Водечко тело е Јеховаскере сведоконгоро.

О пхрал Кук бијандило хем барило ки Пенсилванија (САД). Ов шунѓа башо чачипа таро пло соученико кратко англедер те завршинел е средно школаја хем крстинѓа пе ко 7 јуни 1980 берш. Почминѓа те служинел сар општо пионери ко 1 септември 1982 берш, а пало дуј берш сине викимо ко Бетел. Почминѓа те служинел ко Бетел ко 12 октомври 1984 берш, ко Волкил (Њујорк).

О пхрал Кук 25 берш служинѓа ко различна задаче ки печатница хем ко помошна одделенија ко Бетел. Ко 1996 берш, ов женинѓа пе јекхе пхењаја со викинела пе Џејми хем лаја заедно понадари да служинѓа ко Бетел ко Волкил. Ко декември 2009 берш, о пхрал хем и пхен Кук сине префрлиме ко Образовно центар Патерсон (Њујорк), коте со о пхрал Кук служинѓа ко Оддел со одговоринела ко пучиба таро читателија. Ко април 2016 берш, откеда кратко иранѓе пе ко Волкил, о пхрал хем и пхен Кук сине префрлиме ко Бруклин (Њујорк). Панџ масек пало адава селинѓе пе ко нево главно седиште ко Ворвик (Њујорк). Ко јануари 2017 берш, о пхрал Кук сине именујмо те служинел сар помошнико ко Одбор пишибаске таро Водечко тело.