ДЕ ТУТАР СА КИ СЛУЖБА
Кер пошукар и служба — кер тли презентација башо списанија
СОСКЕ ТАНО ВАЖНО: Иако о презентацие сар пример тане корисна, ленгири цел тани само те ден амен идеја. Ваљани те вакере лен тле лафенцар. Шај ка овел туке полокхо те почмине ко појавер начин или те користине јавер тема со ка овел пошукар башо тло подрачје. Адалеске прво читин о списание, дикх о презентацие сар пример, о видеоклипија башо презентацие, хем пало адава шај те користине о предлогија со и денде акате те шај те кере тли презентација.
САР ТЕ КЕРА АДАВА:
Пуч тут: „Мангава ли те користинав јекх таро презентацие со и денде сар пример?“
ОЈА
Размислин сар те почмине. Кеда ка поздравине е станаре, пало адава вакер леске соске аљан. (На пример: „Ме аљум адалеске со...“)
Размислин сар пало пучибе ка поврзине о стихо хем сар ка нудине о списание. (На пример, те поврзине о стихо шај те вакере: „О одговор башо акава пучибе шај те аракха ле акате“.)
НА
Спремин пучибе со ка одговорине ле ки повторно посета
Кер туке забелешке те шај те џане башо со ваљани те кере лафи кеда ка посетине ле јавер пути
Бирин тема таро списание со свиџинела пе туке хем со ка овел интересно е манушенге ко тло подрачје
Бирин пучибе со ка поттикнинел е станаре те вакерел со мислинела, ама пазин ма те ане ле ки незгодно ситуација. (На пример, шај те користине о пучиба со и денде ки 2 страна ко списанија.)
КО СОЛДУЈ СИТУАЦИЕ:
Бирин кова стихо ка читине. (Кеда нудинеа Разбудете се!, тегани тутар зависинела дали ка читине стихо, соске акава списание тано кердо башо мануша со хари пенџарена и Библија или нане лен доверба ки религија.)
Размислин сар кратко те објаснине е станареске сави корист шај те овел ле тари статија