О Девел мангела те поможинел туке те ове бахтало засекогаш

• Дали иси тут желба те живине ко свето коте со нане војне хем насилство?

• Дали мангеа јекх свето коте со нане више те овел насвалипе, муке хем мерибе?

• Дали иси тут желба те живине бизо проблемија хем секирацие?

• Дали мангеа те живине ко јекх тхан коте со никогаш нане те овен природна катастрофе?

Амаро грижливо Девел, о Створители амаре шуже планетакоро, ветинѓа кај о мануша ка живинен ко мир хем ка овен бахтале засекогаш. Адава нане само суно.

Ко статие со ка дикха лен понадари шај те дознајне:

• Кола буќа сикавена кај о Девел мангела е манушен

• Со откринѓе аменге е Девлескере пекамберија (пророкија) башо берекетија со ветинѓа лен о Девел

• Со мангела те вакерел аменге о Девел преку пло Лафи

• Со шај те кера те шај те ова бахтале панда акана хем те добина о берекетија со ветинѓа лен аменге о Девел баши иднина

Најангле те дикха кола буќа сикавена кај амаро Створители мангела амен хем грижинела пе аменге.