И Библија вакерела сави тани и шукар ромни

Ко Изреки 31 поглавје тане запишиме важна поуке со о цари о Лемуил добинѓа лен тари пли дај. Лакоро совет поможинѓа ле со те родел ки јекх шукар ромни.

Е шукар ромњаке шај те верујне

31:10-12

• Кеда анена пе одлуке сој поврзиме е фамилијаја, и шукар ромни дела мудра предлогија хем ачхола подложно пе ромеске

• О ром лакоро иси ле доверба ки лате, адалеске ов мукхела ла те анел несаве мудра одлуке, бизо те аџикерел латар те пучел ле баши дозвола секоле одлукаке

И шукар ромни тани буќарни

31:13-27

• Трудинела пе те овел скормно хем те штединел соске лаке тано важно лакири фамилија те изглединел шукар хем пристојно хем те овел лен доволно хајбаске

• Керела бут бути, хем диве рат грижинела пе пле кхереске

И шукар ромни тани духовно личност

31:30

• Ој дарала таро Девел хем тани паше леа