Ту шај те охрабрине некас сој тано неактивно

Секова берш, бут неактивна пхраља хем пхења авена ки Спомен-свеченост. Ола почминѓе те прастан ки трка е животоскири, ама таро различна причине ола уморинѓе пе, несаве таро адала причине објасниме тане ки брошура Врати се кај Јехова (Ев 12:1). Ама, о неактивна панда тане важна е Јеховаске адалеске со ов кинѓа лен пле Чхавескере ратеа (Де 20:28; 1Пе 1:18, 19). Сар шај амен те поможина ленге те иранен пе ко собрание?

О старешине родена хем мангена те поможинен ленге исто сар јекх грижливо пастири со родела е бакхре кова со нашавдило (Лк 15:4-7). Акава сикавела кобор о Јехова мангипаја грижинела пе адаленге сој неактивна (Ере 23:3, 4). Сарине амен шај те поможина лен, а на само о старешине. Адава со ка ова љубезна хем сочувствителна ленцар ка радујнел е Јехова хем ка ова наградиме (Из 19:17; Де 20:35). Адалеске размислин кас шај те охрабрине, хем кер адава кобор со шај посигате!

МУКХ О ВИДЕОКЛИПИ ОХРАБРИН АДАЛЕН СОЈ НЕАКТИВНА ХЕМ РАЗМИСЛИН БАШО АКАЛА ПУЧИБА:

• Со керѓа и Аби откеда дикхља јекхе пхења со на пенџарела ла сине?

• Соске ваљани те кера лафи е старешиненцар ако мангаја те поможина некаске сој неактивно?

• Сар спреминѓа пе и Аби англедер те џал дујто пути ки Лаура?

• Сар и Аби сикавѓа упорност, стрпливост хем мангипе џикоте трудинела пе сине те охрабринел е Лаура?

• Со шај те сикљова тари споредба со вакерѓа о Исус ко Лука 15:8-10?

• Саве берекетија сине кеда сарине трудинѓе пе те поможинен е Лаураке?