Те сикава шукар манирија кеда сием англо удар

Сарине дикхена адава со керена е Девлескере слуге (1Ко 4:9, фус.). Адалеске, на ваљани те ова изненадиме кеда несаве станарија дикхена амен таро џами или шунена амен пало удар. Несаве кхера шај иси лен безбедносна камере хем микрофонија коленцар со шај те шунен амен, те дикхен амен хем те сниминен амен. Аке несаве предлогија сар шај те сикава шукар манирија кеда сием англо удар (2Ко 6:3).

АМАРЕ ПОНАШИБАЈА (Фп 1:27):

• Те сикава кај поштујнаја е станарескири приватност адалеа со нане те ѕиркина ко ленгере кхера авријалдан. Ма те ха, ма те пија, ма те кера лафи ко телефони хем ма те пишина пораке џикоте сием англо удар.

АМАРЕ ЛАФЕНЦАР (Еф 4:29):

• Кеда сием англо удара на ваљани те вакера ништо со на мангаја те шунел о станари. Несаве објавителија на керена лафи пе партнереа кеда тане англо некаскоро удар те шај те размислинен со мангена те вакерен е станареске.

Сар шај ко јавера начинија те сикава шукар манирија кеда сием англо некаскоро удар?