Сар шај те овел тут навика похор те проучине и Библија

Дали мангеа исто сар о Даниел те ачхове верно кеда сиан ки неволја? О Даниел хор проучинела сине е Девлескоро Лафи хем о пророштвија со сине лен хор значење (Да 9:2). Ту да шај те ачхове верно ако хор проучинеа и Библија. Сар адава? О проучибе шај те бајрарел тли вера кај е Јеховаскере ветувања ка овен чаче (ИсН 23:14). Исто аѓаар, шај те бајрарел тло мангипе спрема о Девел, а адава ка поможинел те постапине исправно (Пс 97:10). Ама сар шај те овел тут навика хор те проучине? Ка дикха некобор предлогија.

• Со те проучинав? Ко шукар навике башо проучибе исто аѓаар тано о спремибе башо состанокија. Ка овел тут побари корист таро читибе е Библијакоро адале куркеске ако одвојнеа време те истражине о стихија со нане туке јасна. Несаве објавителија истражинена повише башо библиска пророштвија, башо плодија е духоскере, баши мисионерско служба е Павлескири, или башо буќа со керѓа лен о Јехова. Ако размислинеа башо несаво библиско пучибе ко теко е дивескоро, пишин ле, хем јавер пути нека овел туке адава тема проучибаске.

• Коте шај те аракхав материјали? Башо несаве идее, дикх о видеоклипи Сикљов те роде духовно барвалипе. Сар вежба, истражин кола светска силе тане претставиме е ѕверонцар таро ефтато поглавје таро Даниел.

• Кобор време ваљани те одвојнав башо проучибе? Те шај те ове ки шукар духовно состојба, мора редовно те проучине. Ко почеток, о проучибе шај те трајнел похари, а пало несаво време шај постепено те бајраре о време. О проучибе е Девлескоро Лафи тано сар кеда родеа гаравдо барвалипе; кобор повише барвалипе аракхеа, добором повише ка манге те истражине (Из 2:3-6). Ако кереа аѓаар ка бајраре ти желба редовно те проучине е Девлескоро Лафи, хем адава ка ачховел туке навика (1Пе 2:2).

СО ПРЕТСТАВИНЕНА О ЅВЕРИЈА ТАРО ЕФТАТО ПОГЛАВЈЕ ТАРО ДАНИЕЛ?

• 

  Да 7:4

• 

  Да 7:5

• 

  Да 7:6

• 

  Да 7:7

ЈАВЕР ПУЧИБЕ:

Сар исполнинѓе пе о лафија таро Даниел 7:8, 24?

ЈАВЕР ПРОЕКТИ:

Со претставинена о ѕверија таро 13 поглавје таро Откровение?