Кер пошукар и служба — повторно посета

СОСКЕ ТАНО ВАЖНО: Бут мануша кола со сикавена интерес баши порака башо Царство родена о чачипе башо Девел (Иса 55:6). Те шај постепено те сикава лен башо чачипе, мора редовно те посетина лен. О мануша иси лен различна проблемија, адалеске ваљани те прилагодина о начин сар сикаваја лен. Ама, ка ова пошукар ки служба ако шукар спреминаја амен хем секогаш иси амен ки годи со мангаја те кера секоле посетаја. Амари последно цел ваљани те овел те почмина библиско курси.

САР ТЕ КЕРА АДАВА:

• Трудин тут со посигате те кере повторно посета, ако шај пало некобор диве (Мт 13:19)

• Ов опуштимо, понашин тут сар амал хем сикав поштовање е станареске

• Почмин аѓаар со ка поздравине љубезно е станаре хем вакер лескоро анав. Сетинкер ле соске палем аљан — шај те одговорине ко несаво лескоро пучибе, те де ле о неве списанија, те сикаве леске амари интернет-страница, те мукхе леске видеоклипи или те сикаве леске сар изглединела јекх библиско курси. Ако дикхеа кај е станаре интересинела ле јавер тема, тегани керен лафи баши лате (Фп 2:4)

• Вакер несави мисла тари Библија хем дикх дали ваљани те мукхе несави публикација. Аѓаар ка чхиве пани ко семе е чачипаскоро со садинѓан ле ко вило е манушескоро (1Ко 3:6). Трудин тут те ове попаше леа

• Пхрав туке друмо башо јавер пути