„Поштујн те даде хем те даја“

Кеда сине о Исус ки Пхув, вакерѓа акаја заповед: „Поштујн те даде хем те даја“ (2Мо 20:12; Мт 15:4). Ов сар тикно сине послушно хем адалеске шај сине те дел акаја заповед (Лк 2:51). А сар баро, ов грижинѓа пе некој те аракхел лескере даја пало лескоро мерибе (Јвн 19:26, 27).

Авдиве да, о терне поштујнена пле родителен кеда шунена лен хем кеда пазинена сар керена лафи. И заповед те поштујна амаре родителен секогаш ка важинел. Чак кеда ка пхујровен, амен ваљани понадари да те поштујна лен аѓаар со ка сикљова таро ленгоро искуство (Из 23:22). Амен сикаваја кај поштујнаја амаре попхуре родителен адалеа со грижинаја амен ленге ко емоционално поглед, хем ако ваљани ко финансиско да (1Ти 5:8). Бизи разлика дали сием терне или попхуре, ако понадари да иси амен шукар комуникација ленцар, ка сикава кај поштујнаја лен.

ДИКХЕН И ПОУЧНО АНИМАЦИЈА САР ТЕ КЕРАВ ЛАФИ МЛЕ РОДИТЕЛЕНЦАР?, ПАЛО АДАВА ДИСКУТИРИНЕН БАШО АКАЛА ПУЧИБА:

• Соске шај те овел туке пхаро те кере лафи тле родителенцар?

• Сар шај те сикаве кај поштујнеа тле родителен кеда кереа ленцар лафи?

  

• Соске врединела те трудине тут те кере лафи тле родителенцар? (Из 15:22)