Сетин тут ки е Лотескири ромни

Соске е Лотескири ромни иранѓа пе палал џикоте нашела сине таро Содом? И Библија на вакерела аменге башо адава (1Мо 19:17, 26). Ама, таро контекст кеда о Исус вакерѓа акава предупредување дикхјола пе кај шај сине лаке жал башо буќа со мукхља лен пали песте (Лк 17:31, 32). Сар шај те избегина адава со уло е Лотескере ромњаке хем сар шај те на нашава е Јеховаскири милост? На смијнаја те мукха и желба башо материјална буќа те овел аменге најважно ко живото (Мт 6:33). О Исус вакерѓа кај нашти те служина хем е Девлеске хем е барвалипаске (Мт 6:24). Ама, со ако приметинаја кај о материјална буќа овена аменге поважна таро духовна активностија? Тегани, шај те молина е Јехова те дел амен мудрост те шај те дикха кола промена ваљани те кера, ама исто аѓаар те дел амен храброст хем сила те шај те кера адала промене.

СЕТИН ТУТ КО ФИЛМИ ТАРО ТРИН ДЕЛИЈА СЕТИН ТУТ КИ Е ЛОТЕСКИРИ РОМНИ, ХЕМ ОДГОВОРИН КО АКАЛА ПУЧИБА:

• 

  Сар о притисок те овен ла повише паре влијајнѓа упро е Глоријакоро размислибе, керибе лафи хем постапке?

• Сар шај о пример е Лотескере ромњакоро те овел аменге предупредување авдиве?

• Сар поможинѓе о библиска начелија е Џоеске хем лескере фамилијаке?

• Сар е Анакоро друштво ки бути влијајнѓа упри лакири духовност?

• Соске ваљани аменге храброст ако иси амен притисок те чхива о паре ко прво тхан ко амаро живото?

• Сар о Брајан хем и Глорија успејнѓе палем те чхивен о духовна буќа ко прво тхан?

• Кола библиска начелија тане истакниме ко акава филми?