О Павле вакерѓа кај ка жалинел пе англо цезар, а пало адава сведочинѓа е цареске Ирод Агрипа

25:11; 26:1-3, 28

Иако на ваљани превише те секирина амен со ка вакера кеда ка ова „англо управителија хем царија“, ваљани те ова спремна те бранина амен англо секој со ка родел амендар те објаснина леске баши амари надеж (Мт 10:18-20; 1Пе 3:15). Ако амаре противникија керена аменге проблемија аѓаар со користинена о закони против аменде, сар шај те џа пало о пример е Павлескоро? (Пс 94:20).

• Користинаја са амаре законска правија те шај те бранина о шукар хабери (Де 25:11).

• Кеда кераја лафи адаленцар со иси лен авторитети сикаваја ленге кај поштујнаја лен (Де 26:2, 3).

• Ако дозволинена о околностија, објаснинаја сар о шукар хабери користинела аменге хем е јаверенге (Де 26:11-20).