Дали дикхеа е Девлескере особине?

Кеда ка дикхе о ѕвезде ко небо, несави шужи лулуди или кеда ка дикхе несаво шужо водопад, дали дикхеа кај керѓа некој са акала шуже буќа? О особине е Јеховаскере дикхена пе ко адава со створинѓа (Ри 1:20). Ако одвојнаја време те размислина башо адава со дикхаја, ка шај те дикха и моќ, о мангипе, и мудрост, и правда хем и дарежливост амаре Створителескири (Пс 104:24).

Кола таро буќа со керѓа лен о Јехова дикхеа лен секова диве? Чак ако живинеа ки бари диз, шај те дикхе чирикља хем кашта. Ако шукар дикхаја о буќа со керѓа лен о Јехова, адава ка поможинел аменге те на ова бут секириме, те концентририна амен ко поважна буќа хем те бајрара амари доверба кај о Јехова ка грижинел пе аменге ки цели вечност (Мт 6:25-32). Ако иси тут чхаве, поможин лен ола да те дикхен о шукар особине е Девлескере. Кобор повише ценинаја о буќа сој створиме добором попаше оваја е Створителеа (Пс 8:3, 4).

ДИКХ О ВИДЕОКЛИПИ О ЧУДИЈА Е СТВОРИБАСКЕРЕ СИКАВЕНА Е ДЕВЛЕСКИРИ СЛАВА — И СВЕТЛИНА ХЕМ О БОЕ, ХЕМ ПАЛО АДАВА ОДГОВОРИН КО АКАЛА ПУЧИБА:

• Соске шај те дикха разна бое?

• Соске несаве бое мешинена пе?

• Соске ко небо шај те дикхен пе разна бое?

• Кола привлечна бое ко буќа со керѓа лен о Јехова дикхљан лен ки тли околина?

• Соске тано важно те одвојна време те дикха и природа?